"Həmən 80 manat cərimələmək doğru yanaşma deyil"

15:41 12-03-2024 | 267 | Siyasət

Razi Nurullayev: "Qərardan sonra bir həftə ərzində şifahi xəbərdarlıq edilməlidir"

Xəbər verdiyimiz kimi, Nəqliyyatı Əlaqələndirmə Şurası “28 May” metrostansiyası və Bakı Dəmiryol Vağzalı qarşısında fərdi avtomobillərin hərəkətinin məhdudlaşdırılması barədə qərar qəbul edib.

Məsələyə münasibət bildirən deputat Razi Nurullayev bildirib ki, fürsət bilib həmən 80 manat cərimə etmək nə anlaşılandır, nə də doğru yanaşma:

"“28 May” metrostansiyası və Bakı Dəmiryol Vağzalı qarşısında fərdi avtomobillərin hərəkətinin məhdudlaşdırılması qərarını mən də bəyənirəm. Amma nəzərə almaqlazımdır ki, Qərar dünən verilib və sürücülərin çoxu bundan məlumatsızdır. Yol polisləri ərazidədir və xəbərsiz sürücülər əraziyə daxil olan zaman onları 80 manat məbləğində cərimə edirlər. Hələ dünən Qərar verildiyi halda nədən bu gündən fürsət bilib hamını cərimələyəsən".

Deputat qeyd edib ki, əslində Qərardan sonra bir həftə ərzində şifahi xəbərdarlıq edilməlidir.

LƏMAN
versus.az