Əli Mustafa: "Rusiya konsulluq açmaqla Ermənistana mesaj vermiş olur"

"Rusiyanın Xankəndidə konsulluq açmaq istəyi “geriyə qayıdış” planının tərkib hissəsi, İrəvanla bağlıdır. Yəni bu, Rusiyanın Ermənistana verdiyi "Qarabağı unutmamışıq, Qarabağı da qaytarmağı düşünürük, orda konsulluq açırıq ki, gələcəkdə sizi qoruyaq, Paşinyanı hakimiyyətdən uzaqlaşdırın" mesajları ola bilər".

Versus.Az xəbər verir ki, bunu açıqlamasında siyasi şərhçi Əli Mustafa bildirib.

Rusiyanın tarixin müəyyən mərhələlərində Azərbaycana qarşı çox pisliklər etdiyini deyən Ə.Mustafa bildirib ki, Ermənistanda yenidən hakimiyyət dəyişərsə, yenə də erməniləri Qarabağa qaytarmaq istəyini və onun üzərindən Ermənistanı, Azərbaycanı sıxışdıraraq bölgədə qalmaq arzusunu unutmayıb:

"Federasiya rəsmisinin konsuluqla bağlı dediyi fikirlər bu kontekstdə başa düşülməlidir. Rusiyanın Güney Qafqazla bağlı işğalçı planları, imperiya iddiaları gündəmdədir. Rusiya zəifləyəndə qınına çəkilir, güclənəndə yenidən maraqlı olduğu əraziləri yenidən ələ keçirmək istəyir. Qarabağda konsulluğun açılması ermənilərin bölgəyə qayıtmasına motivasiyadır. İndiki şəraitdə Qarabağda Konsulluğun açılmasına icazə verilməli deyil".

SEVDA
versus.az