Quba rayonu Çarxaçu kəndindən ŞİKAYƏT
Qış yaxınlaşdıqca vəziyyət daha da çətinləşir
Quba rayonu, Çarxaçu kəndindən şikayət var. Bu barədə Müstəqil Həmkarlar Birliyinənmüraciət daxil olub.
Versus.Az xəbər verir ki, Quba rayonu Çarxaçu kənd sakini Sayılov Rüstəm Rəşid oğlunun Müstəqil Həmkarlar Birliyinə ünvanladığı müraciətdə qeyd olunur ki, 1997-ci ildə torpaq islahatları həyata keçirilən zaman onun payına düşən torpaq sahəsi çay yatağına düşdüyü, əkin və mal-qara oturmaq üçün yararsız olduğu məlum olub. Daha sonra vətəndaşın müraciətləri əsasında ona kənd təsərrüfatı ilə məşğul olmaq üçün əvəzedici torpaq sahəsi verilib.
Uzun müddət bu torpaq sahəsində əkin işləri aparılır və vətəndaş həmin müddətdə Dövlətdən subsidiya alıb. Lakin son vaxtlarda Bələdiyyə Dövlət Kadastr Xidmətinin xəritəsini əsas gətirərək kənddəki torpaqların müəyyən hissəsinin Bələdiyyəyə və köçəri mal-qara düşərgəsinə aid olduğu bildirib. Vətəndaş Sayılov Rüstəm Rəşid oğluna əvəzedici kimi verilən torpaq sahəsinin körçəri mal-qara düşərgəsinə aid olduğu və artıq burada təsərrüfat işləri aparmasına icazə verilmədiyi bildirilib.
Şikayətçi Sayılov Rüstəm Rəşid oğlu ilə birlikdə Çarxaçu kəndinin sakinlərinin demək olar ki, 60%-i torpaqsız qalıb, hal- hazırda qışın yaxınlaşması ilə əlaqədar olaraq daha da çətin vəziyyətdə olduqlarını bildirirlər.
Məsələ ilə bağlı Bələdiyyəyə müraciət olunsa da, müraciətin cavabında bildirilib ki, yenidən torpaq bölgüsü aparmaq Bələdiyyənin səlahiyyətində deyil.
Qeyd edək ki, məsələnin həlli ilə bağlı Müstəqil Həmkarlar Birliyi tərəfindən aidiyyəti üzrə Dövlət qurumlarına sorğular ünvanlanıb.
AYSEL
versus.az
Xəbər lenti
Taksi və avtobuslara yeni fərqlənmə nişanları verilib
Bu dəfə 26 daşıyıcıya 52 xidmət üzrə fərqlənmə...