TREND-in əməkdaşları mükafatlandırılıblar

09:25 16-04-2019 | icon 227 | KİV
TREND-in əməkdaşları mükafatlandırılıblar

Aprelin 15-də TREND İnformasiya Agentliyinin mətbuat mərkəzində agentliyin bir sıra əməkdaşlarına Azərbaycanın təhlükəsizlik orqanlarının 100 illik yubileyi münasibətilə mükafatların təqdim olunması mərasimi keçirilib.

 

Versus.Az xəbər verir ki, "Alyans" xüsusi xidmət orqanları veteranları İctimai Birliyi sədri Şamil Süleymanov TREND İnformasiya Agentliyinin baş direktorunun müavini Arzu Nağıyev və "Baku Network" Ekspert Şurasının rəhbəri Elxan Ələsgərova "Mehdi Hüseynzadə" medalını, agentliyin əməkdaşları Vüqar İmanov və Samir Güləliyevə fəxri diplomlar təqdim edib.

 

Ş.Süleymanov xüsusilə vurğulayıb ki, "Alyans"ın fəaliyyətinin populyarlaşmasına TREND informasiya agentliyi səbəb olub:

"Bu gün biz sizə qonaq gəlmişik ki, Azərbaycanın xüsusi xidmət orqanlarının yüzilliyini qeyd etməyə kömək edən şəxsləri mükafatlandıraq və kitablarımızı təqdim edək ".

 

Azərbaycanın dövlət təhlükəsizliyi orqanları barədə danışan Ş.Süleymanov ümummilli lider Heydər Əliyev barədə xatirələrini bölüşüb.

O qeyd edib ki, təhlükəsizlik orqanlarında işə bilavasitə Heydər Əliyevin rəhbərliyi altında başlayan şəxslərdən olub:

"Heydər Əliyev Azərbaycanın təhlükəsizliyinin milliləşdirilməsi, azərbaycanlı kadrların yetişdirilməsi üçün əlindən gələni edib. 1960-cı ildən sonra ulu öndər Heydər Əliyevin səyləri nəticəsində Azərbaycanın təhlükəsizlik orqanlarının fəaliyyətində ciddi dəyişikliklər oldu. Heydər Əliyev həmişə çalışırdı ki, təhlükəsizlik orqanlarında milli kadrlar yetişsin. Ümummilli liderin təhlükəsizlik orqanlarının rəhbəri təyin olunmasından sonra bu sistemdə azərbaycanlı kadrların sayı sürətlə artdı ".

 

Onun sözlərinə görə, ulu öndər təkcə xüsusi xidmət orqanları üçün deyil, digər hüquq-mühafizə orqanları üçün də kadrlar yetişdirməyə çalışırdı:

"O, bütün sahələrlə maraqlanırdı, Azərbaycan xalqının inkişafı üçün əlindən gələni edirdi".

 

Ş.Süleymanov vurğulayıb ki, bu gün Prezident İlham Əliyev də xüsusi xidmət orqanlarının əməkdaşlarına xüsusi diqqət və qayğı göstərir:

"Xüsusi xidmət orqanları veteranları Prezident İlham Əliyevin keçirdiyi sosial-iqtisadi islahatları dəstəkləyir".

 

Veteranlara diqqət və qayğısına görə Dövlət Təhlükəsizliyi Xidmətinin rəhbəri Mədət Quliyevə təşəkkürünü bildirən Ş.Süleymanov qeyd edib ki, Azərbaycanın təhlükəsizliyinin qorunması hər bir təhlükəsizlik orqanı əməkdaşının müqəddəs borcudur:

"Bu gün "Alyans" Mədət Quliyevin səyləri və köməyi sayəsində inkişaf edir. Onun vaxtında təşkilatımız dirçəldi, genişləndi".

 

Daha sonra o bildirib ki, Azərbaycan təhlükəsizlik orqanlarının 100 illiyi təntənəli şəkildə qeyd olunub:

"Bizə altı ölkədən veteranlar təşkilatının veteranları gəlib və "Alyans"ın təntənəli gecəsində iştirak edib. Tədbir Dövlət Təhlükəsizliyi Xidmətinin rəhbəri Mədət Quliyevin bilavasitə rəhbərliyi altında keçirilib".

 

Ş.Süleymanov həmçinin vurğulayıb ki, tədbirlər silsiləsi Azərbaycanın bir çox şəhər və rayonlarını əhatə edib:

"Regionlarda görüşlərin təşkilinin əsas məqsədi gənc nəslin ümummilli lider Heydər Əliyevin təhlükəsizlik orqanlarında fəaliyyəti barədə məlumatlandırılması idi".

 

Daha sonra Ş.Süleymanov Heydər Əliyevin bilavasitə iştirakı ilə keçirilmiş əməliyyatların işıqlandırıldığı kitablar barədə danışıb:

"İlk bir neçə kitab Heydər Əliyevin rəhbərliyi ilə keçirilmiş agentura işlərinə aiddir. Heydər Əliyev şəxsən hər bir işə rəhbərlik edir, istiqamət verir, yekunlaşdırır və son nəticələr çıxarırdı. Kitabların məzmunu ilə tanış olduqdan sonra görmək olar ki, burada təhlükəsizlik orqanlarının operativ fəaliyyəti açılır. Mən 2005-ci ildə Moskvada kitablardan birini çap edərkən demişdilər ki, bu cür kitabı nəşr etmək olmaz - burada əməliyyat işinin sirləri açılır".

Öz çıxışından sonra ictimai birliyin sədri Şami Süleymanov tədbir iştirakçılarına kitablar hədiyyə etdi.

 

"Alyans" İctimai Birliyinin sədr müavini Azər Qarayev qeyd edib ki, təhlükəsizlik orqanlarının yüzilliyi ərəfəsində TREND-lə birgə yanvardan martadək keçirilmiş tədbirlər planı hazırlanmışdı:

"Ölkə ictimaiyyəti bu tədbirləri müsbət qarşıladı. Təhlükəsizlik orqanlarının yaradılmasında və milli kadrların formalaşmasında ümummilli lider Heydər Əliyevin rolu böyükdür. Hamıya məlumdur ki, o zamanlar təhlükəsizlik orqanlarında digər xalqların nümayəndələri çoxluq təşkil edirdi. Heydər Əliyev rəhbərliyə gəldikdən sonra bu sistemdə köklü dəyişikliklər oldu. Ulu öndər Azərbaycanın təhlükəsizlik orqanlarında milli kadrların artırılması üçün səylər göstərdi. O zaman əsas məsələlərdən biri təhlükəsizlik orqanlarında milli kadrların sayının artırılması idi və bu proses 1953-cü ildən başlayaraq ardıcıl həyata keçirilib".

 

Versus.Az

Xəbər lenti

InvestAZ

Ən çox oxunan xəbərlər

QHT LAYİHƏYƏ START VERDİ

Müalicəsiz buraxılmış bu xəstəlik çox ağır fəsadlar verə bilər

AXH: Hakimiyyətdən bu cür siyasətinə son qoymasını tələb edirik

15 yaşında Şəhadətə yüksəlmiş Tiqanamız

Qan testi ilə ölüm tarixini öyrənmək mümkün olacaq

"Mərhum anidən dirildi, yoxsa diri-diri dəfn edəcəkdik" - MÜSAHİBƏ

Bakı-Naxçıvan-Bakı marşrutu ilə sərhədkeçmə prosesi asanlaşdı

DƏRD AĞACINDAN ASILI QALAN ŞƏHİD ARZULARI

"Asma körpü"nün bərpasi ücün rayon rəhbərliyinə müraciət edirəm

Jurnalistin qardaşının evi yenə qarət edildi

"Bu gün sizlərin yarıtmaz siyasəti xalqı hər gün yeni qəzalar keçirməyə vadar edir"

Dövlət komitəsi Məhərrəmlik ayı ilə bağlı müraciət etdi

Millət vəkilinin tanınmış qadın siyasətçiləri, QHT, KİV, təşkilat rəhbərləri ilə görüşü davam edir

23 avqust - Cəbrayıl və Füzuli rayonlarının işğal olunduğu gündür

Ulu öndər Heydər Əliyevin yaxın dostu Osman Gezekerin ailəsi Azərbaycana təşəkkür etdi