"Kərkük və Qarabağ" - KONFRANS
Tanınmış jurnalist Ağanisə Sultanova Antalya Türk Ocaqlarında "Kərkük və Qarabağ" mövzusunda konfrans verib.
Versus.Az xəbər verir ki, konfransda Antalyada fəaliyyət göstərən, türkdilli xalqların diaspor rəhbərləri, üzvləri, ali məktəb tələbələri, qeyri-hökumət təşkilatlarının nümayəndələri, yazarlar, jurnalistlər iştirak ediblər.
A.Sultanova bildirib ki, Azərbaycan torpaqlarının 20 faizini işğal edən ermənilər atəşkəs imzalanmasına baxmayaraq, əsgərlərimizi, günahsız insanlarımızı qətlə yetirir, snayperdən açdıqları atəşlə körpələrimizin həyatına son qoyurlar:
"Azərbaycanın tarixi torpaqlarını işğal edən ermənilər 1992-ci il fevral ayında Xocalıda 21-ci əsrin ən dəhşətli soyqırımını törətdilər. İnsanlarımızı ağlasığmaz vəhşiliklərlə qətlə yetirdilər, əsir götürdülər. Onların arasında yaşlılar, qadınlar, uşaqlar da vardı".
Jurnalist əlavə edib ki, həmin illərdə Azərbaycan daxildə də vətəndaş qarşıdurması ilə üz-üzə qalmışdı. Yalnız 1993-cü ildə ümumilli lider Heydər Əliyev yenidən hakimiyyətə qayıtdıqdan sonra sabitlik bərpa edildi. Bu ilin yanvar ayında İraqa səfər edən jurnalist Kərkükdə, Türkmənelində olub və orada yaşayan türkmən soydaşlarımızla görüşüb.
A.Sultanova diqqətə çatdırıb ki, 1991-ci ildə Səddam Hüseyn rejiminin türkmanlara qarşı törətdiyi Altınkörpü soyqırımı Xocalı soyqırımı qədər dəhşətli idi. Sadəcə, məkan fərqi var idi və Xocalı soyqırımını ermənilər, Altınkörpü soyqırımını Səddam rejimi törətmişdi:
“Altınkörpü soyqırımı qurbanlarının xatirəsinə ucaldılan abidəni Türkməneli partiyasının sədri Riyaz Sarıkahya ilə ziyarət etdim. Riyaz bəy bildirdi ki, türkmənlər öz torpaqlarında türk olmanın bədəlini ödəyirlər. Amma biz 1000 illərdir ki, bu torpaqların sahibiyik. Son bir nəfərimiz qalsa belə, dədə-baba ocaqlarımızdan bir addım geri atmarıq”.
A.Sultanova Qarabağ və Kərküklə bağlı verilən sualları cavablandırıb. Jurnalist konfransın təşkilinə görə Yurdum Türkməneli Dərnəyinin rəhbəri Yunus Bayatlıya və Türk Ocakları Antalya şöbəsinin başçısı Abdullah Uysala təşəkkürünü bildirib.
Sonda jurnalistə Türk Ocaklarının təşəkkür bəlgəsi təqdim edilib.
Versus.Az
Xəbər lenti
Rusiyaya məxsus helikopter aerodromda məhv edildi
Helikopter Rusiya Ordusunun logistik ehtiyaclarını və təxliyə...