Azərbaycanlı qız Türkiyə televiziyasında müsəlman oldu

Türkiyə televiziyasında maraqlı hadisə baş verib.

Versus.Az  ölkə.az-a istinadən bildirir ki, "ATV" kanalında Ramazan bayramı ilə əlaqədar yayımlanan Nihat Hatipoğlunun verilişində hollandiyalı bir qonaq Kəlimeyi-şəhadət gətirərək müsəlman olub.

Tamaşaçılar arasında olan Anna mikrofonu götürərək Hatipoğluna Hollandiyadan gəldiyini və müsəlman olmaq istədiyini deyib. Anası hollandiyalı, atası azərbaycanlı olan Annanın nişanlısı türkdür. O, "Annanın bu qərarına mənim təsirim yoxdur. Özü araşdırdı, müsəlman olmaq istədiyini dedi. Mən də sizin yanınıza gətirdim" deyib.

Hatipoğlu cütlüyü yanına çağırıb və "Aramıza xoş gəldin, bu istəyin məni çox xoşbəxt etdi" deyib. Anna Nihatın İslam barədə dediklərini dinlədikdən sonra "Dediklərinizə qatılıram və qəbul edirəm. Yaşadığım müddət ərzində bunlara diqqət edəcəm" deyib.

Azərbaycanlı Anna Hatipoğlunun köməyi ilə Kəlimeyi-şəhadət gətirərək müsəlman olub. Onun adı da bundan sonra Tuana olacaq.

Versus.Az