"Turalın sağ əli bir çox qələm pərgarlarının başına"

15:08 23-05-2019 | icon 260 | Ədəbiyyat
"Turalın sağ əli bir çox qələm pərgarlarının başına"

Əbülfəz Əhməd: "Vaxtı gələndə, bu yaşlı və usta yazarların vaxtı keçmiş axta qələmləri korşalmış olacaq"

 

ƏBÜLFƏZ ƏHMƏD

/Yazıçı-publisist/

 

"Kamikadze-1" romanındakı olayları elə bil ki, Tural İrfan deyil, tarix özü danışır. Daxilində riya gizlənmiş bəlağət, şişirtmə, təbiət təsviri yoxdur, yazılan hər bir cümlə qoca tarixin sirli qatlarına canlı bir ekskursdur, səyahətdir. Kitabda yazılanlar reallığa əsaslanır. Dil canayatandır. İman işığında yazılmış və çox orijinal bir romandır.

 

Turalın sağ əli bir çox qələm pərgarlarının başına. Onlar hələ vaxt keçsin deyə düşünürlər. Vaxtı gələndə, bu yaşlı və usta yazarların vaxtı keçmiş axta qələmləri korşalmış olacaq...

Əsər o qədər qiymətli, faktlar o qədər dəqiqdir ki, buna hər hansı bir qiyməti vermək, onu dəyərdən salmaq kimi bir şeydir deyə fikirləşirəm. Bu tarixdir, bunu təkrar və kütləvi tirajla çap etmək arzu olunan və vacibdir!

 

Eşitdiyimə görə bəzi erməniyosunlular artıq Tural İrfana hücuma keçiblər ki, dayılarını olduğu kimi səciyyələndirib. Hər hansı bir müsbət arqumentləri varsa qoysunlar ortaya. Qatlaşdığı sonsuz əzab- əziyyətlərə, belə bir gözəl əsəri ərsəyə gətirdiyinə görə Tural İrfana təşəkkürdən, bu fürsəti Ona və bir oxucu kimi bizə verdiyinə görə uca Allaha şükranlığımı bildirməkdən başqa bir şey əlimdən gəlmədi...

 

Yaşasın!
/Tural İrfan üçün/

 

Oxudum kitabı, ay Tural İrfan,
Çox gözəl alınıb yazdığın roman.
Sənin qələmindən çıxan sətirlər,
Sandım ki, tarixin dilindən gələr.

Canlı şahidləri dinlədikcə sən,
Nə qədər məxəzi ələkləmisən!
İman işığında tutduğun bu yol,
Dizində təpərdir, həm də vuran qol.

Olduğu kimidir yazdığın şeylər,
Tarixdən soruşsaq eynisin söylər.
Sözün qüdrətindən güc alıb sən də,
Doğrunu yazmısan kəlmələrində!

Sapı özümüzdən çoxdu baltalar,
Səni qınayanlar billəm, tapılar.
Erməni yosunlu bəzi adamlar,
Atacaq üstünə çox iftiralar.

Guya dayıları tarixə örnək,
Örnək tərəfini desinlər, görək.
Yalandan, əyridən, rəzildən başqa,
Yaxşı tərəfləri olaydı keşkə!

Tarixdə sözləri keçən kişilər,
Gözündə bu millət daim kiçilər.
Tarixin ən yüngül əxlaqı onda,
Bic bir toxum kimi, çoxalır sonda.

Bunu biz demirik, deyənlər deyib,
Düz yolu tanımaz, doğrudan əyib.
Məcburuq, daima edək söhbətin,
Qadını əlində bəlgə millətin!

... Versəm kitabına hər hansı dəyər,
Qorxuram, qiymətə xələl gətirər.
Tarix qiymətini verib əsərin,
Sən də artırmısan sözün kəsərin.

Ayrı bir qiyməti bilmirəm vallah,
Yaxşıdan yaxşıdır, əladan əla!
Dilimdə dolaşır Sənə təşəkkür,
Bizi yaradana yenə min şükür.

Belə bir fürsəti veribdir Sənə,
Bir də kitabını vərəqləyənə!
Sağ əlin başına yaşlı yazarın,
Bu real tarixə salmaz güzarın.

Yoxsa fikirlərin aparar gora,
Qələmi kəfəndə qalandan sonra.
Başların altında bir pərqu yastıq,
Oyanan tarixin ağzına basdıq.

Xəbər lenti

InvestAZ

Ən çox oxunan xəbərlər

Bakının işğaldan azad edilməsinin 101-ci ildönümü ilə bağlı tədbir keçirilib - FOTOLAR

Lənkəranda bir neçə təhsil müəssisəsinin açılış mərasimi olub

ÜMİDDƏN ASILAN QILINC

Qazilər 92-ci il döyüşlərindən danışdılar

“Özünü güclü siyasi qüvvə və ya "ana müxalifət" hesab edirsə, buyursun seçkiyə” - MÜSAHİBƏ

Laçın şəhər 37 saylı məktəbdə BİLİK GÜNÜ - VİDEO

Qəbrin nurla dolsun şəhidim...

"Bəs Əli Kərimli niyə susur?"

Musiqi sevgisinin kökündə duran Üzeyir Hacıbəyli işığı

ŞƏHİD QƏBİRLƏRİNDƏN DUYULAN VƏTƏN ANDIMIZ 

"Bu, islahat deyil, utancverici göstəricidir"

"AXH bu gün müxalifətin aparıcı qüvvələrindən biridir”

İQBAL AĞAZADƏ: O kəslər bir yerdə yaşasınlar ki, ayrı yaşaya bilmirlər

Fuad Qəhrəmanlının qızından atası və Əli Kərimli ilə bağlı - Sensasion iddialar

AXCP sədri: Prezidentə və Birinci vitse-prezidentə qarşı “səlib yürüşü” edə bilmərik