Deputatdan qəhrəmanlarımıza cinayətkar deyən Xədicə və Günelə sərt cavab

22:38 25-05-2019 | icon 722 | Siyasət
Deputatdan qəhrəmanlarımıza cinayətkar deyən Xədicə və Günelə sərt cavab

Dünən Ramil Səfərovu “biabırçı cinayətkar” adlandıran Xədicə İsmayıla Norveçdə yaşayan yazıçı Günel Mövlud da qoşulub.



Versus.Az BAKU.WS-ə istinadən xəbər verir ki, Günel daha da irəli gedərək, həm Ramili, həm milli qəhrəman Mübariz İbrahimovu təhqir edib.

Mübarizin qəhrəmanlığını humanizm pərdəsi altında kölgəyə salmağa çalışan Günel, öz ifadələrini suallar kimi təqdim edib. O, bununla da özünü “sudan quru” çıxarmağa çalışıb.



G.Mövludun statusunu təqdim edirik:

“Humanizmin yarımçığı olmur. Humanizmin millisi olmur. İnsan haqları situasiyaya görə dəyişmir, millətə görə dəyişmir. Yatmış bir ermənini öldürən cinayətkardısa, bəs yatmış 30 ermənini öldürən kimdir? Niyə bir ermənini öldürmək cinayət, 30 erməni öldürmək qəhrəmanlıq olsun? Düşmən olduğu təqdirdə insan öldürməyi normal hesab edən, ya cinayət hesab edən, niyə ikisini də qəhraman kimi qəbul etmir, ya ikisini də cinayətkar hesab etmir?”



Deputat Tahir Rzayev açıqlamasında onları sərsəm adlandırıb:

“Ağıllı adamlar elə sözlər danışmaz. Əgər hansısa humanist bir insanın ölümündən söhbət gedərdisə, onda Ramil Səfərova cinayətkar demək olardı. Amma Ramil Azərbaycanın qüruruna toxunan, bayrağımızı təhqir edən şəxsə qarşı bu addımı atıb. Mübariz İbrahimov isə həm onları təhqir edənlərin və bizim təhlükəsizliyimizi qorumaq üçün canından keçib.

Onlar ermənilərin tarixən azərbaycanlıları vəhşicəsinə qırdığını, xalqımızın başına müsibətlər açdığını bilmirlər? Xocalı, Qarabağ hadisələrində südəmər körpələrin, qadınların, yaşlıların hansı vəhşiliklərə məruz qaldıqlarını görmürlər? Ramilin öz qohumları, yaxınları orada qətlə yetirilib. Humanizm deyirlərsə, bunlardan niyə danışmırlar? Görünür ki, onlar humanizm anlayışını özlərinə sərf edən məqsədlər üçün istifadə edirlər. Elə iyrənc əməllərə əl atırlar ki, insan vahimələnir.

Onlar anti-azərbaycan şəbəkələri və ermənilərlə yaxın münasibətdədirlər. Maliyyə ayırırlar və belə danışdırırlar”.



Millət vəkili sözlərinə əlavə edib ki, insan öz vətəninin, xalqının taleyini düşünməlidir:

“Müxalifətdə olmaq olar, amma vətənin qəhrəmanlarına qarşı iftiralar atanlar düşməndən də betərdir. Satqının vətəni, torpağı, yurdu olmur.
Avroliqanın finalı ərəfəsində belə həyasız açıqlamaların məqsədi fikirləri başqa istiqamətə yönəltməkdir. Vətən düşmənləri Azərbaycanın imicinə zərbə vurmaq üçün belə çıxışlar edirlər”.



“Atlas” Araşdırmalar Mərkəzinin rəhbəri, politoloq Elxan Şahinoğlu da sosial şəbəkədə məsələyə münasibət bildirib:


“Ramil Səfərovun müzakirəsinin yeridir? Kimin dəyirmanına su tökürük? Ermənilərə elə bu lazımdır ki, biz Ramil Səfərovun keçmiş əməlini müzakirə edək. Ramil Səfərov olaya adekvat reaksiya verərək bayrağımızı və dövlətimizi aşağıladığına görə erməni zabiti cəzalandırıb və etdiyi əmələ görə uzun müddət həbsdə yatıb. O, öz həyatını yaşayır və vətənə xidmətini davam etdirir. Sakit buraxın zabitimizi”.

 

Versus.Az

Xəbər lenti

InvestAZ

Ən çox oxunan xəbərlər

“Azərbaycanın beynəlxalq aləmdə dostlarının sayı artmaqda davam edir”

Qardaş ölkə və strateji tərəfdaş

Xarici kəşfiyyat orqanlarının şəbəkələri AKTİVLƏŞİB

“Azərbaycana qarşı qərəzli mövqeləri ilə Ermənistanı şirnikləndirmək istəyirlər”

“Makronda beynəlxalq hüququ dəstəkləyən siyasi şüur yetərli deyil”

“Müqavilənin vaxtı bitib” adı altında işdən azad olunanlar...

"Həmən 80 manat cərimələmək doğru yanaşma deyil"

"Laçınsız günlər" xatirə gündəlikdən - 1988-ci ilin noyabr ayı

Prezidentin XI Qlobal Bakı Forumunu əhəmiyyətli edən çıxışı

MMP Parlament partiyası ola bilər

MDU və AHBVÜ-nün təşkilatçılığı ilə 5-ci beynəlxalq elmi konfrans keçiriləcək

“Koroğlu”dakı Nəqliyyat Mübadilə Mərkəzi söküləcək?

Rusiya Fransanı ciddi qəbul etmir?

Fransanın başqa dövlətlərdə gərginlik yaratmaq SSENARİSİ

Ramazan ayının dördüncü gününün imsak, iftar və namaz vaxtları