Ümid Partiyası müşavirədə

Bu gün Ümid Partiyasında rayon şöbə sədrlərinin iştirakı ilə müşavirə keçirilib. 

Bu barədə Versus.Az-a Partiyanın mətbuat xidmətindən məlumat verilib.

Məlumatda qeyd olunur ki, müşavirədə partiyanın sədri İqbal Ağazadə regiondakı və ölkədəki ictimai-siyasi vəziyyətlə bağlı geniş məruzə ilə çıxış ediib.

İ.Ağazadə partiyanın mövqeyi, qarşıda duran vəzifələr, görüləcək işlər, bələdiyyə seçkilərinə hazırlığın vəziyyəti, növbəti qurultaya hazırlığın səviyyəsi və yubanma səbəbləri ilə bağlı partiyadaşları ilə fikirlərini bölüşüb. Partiya sədri rayon şöbəsinin sədrlərinə təşkilatlanma və bələdiyyə seçkilərinə hazırlıqla əlaqədar tapşırıq və tövsiyələr verib.

Qeyd olunub ki, Ümid Partiyası Qurultayını keçirmək üçün aidiyyatı qurumlara dəfələrlə müraciət etsə də, yer verilməsinə müsbət cavab ala bilməyib. Bu səbəbdən də Qurultayın keçirilməsi yubanır.

Versus.Az