AVMVİB-in təsis etdiyi xatirə medalı Şəhidin anasına təqdim edildi /VİDEO/

20:03 16-06-2019 | icon 581 | Şəhidlər və şahidlər
AVMVİB-in təsis etdiyi xatirə medalı Şəhidin anasına təqdim edildi /VİDEO/

 

713-cü batalyonun 12 nəfərdən ibarət qazi heyəti şəhidlik zirvəsinə ucalmış, Azərbaycanın hər zaman qürurla xatırlayacağı Şəhid Mehdi Rüstəmovun anası Saray xanımı ziyarət ediblər.

 

Qazilər canını Vətən üçün fəda edən şəhid Mehdi Rüstəmovu dünyaya gətirmiş o gözəl, nurüzlü ananın əllərindən öpüblər. Övladını torpağa şəhid verən ANA üçün oğlunun döyüş dostlarının onu ziyarət etməsi bir toy-bayram olub. Şəhid anası oğlunun qoxusunu onun döyüş yoldaşlarından alıb. Ana yenidən övladı ilə görüşürmüş kimi fərəhlənib, Şəhid anası olmağı ilə qürurlanıb.

 

Bu barədə Versus.Az-a məlumat verən qazilər, Şəhidin ziyarəti zamanı ailənin digər üzvləri, o cümlədn Mehdinin döyüşçü qardaşı, Köçəri Rüstəmovla da görüşdüklərini bildiriblər.

 

Şəhidin anasının ziyarətində vətən sevgisi ilə dolu xatirələr yada salınıb. Döyüşçülər yağı düşmənlə keçirdikləri hərbi əməliyyatlarda keçdikləri ağrılı, lakin şərəfli günlərdən bəhs ediblər. Şəhidin həyatının xoş, maraqlı anları, qəhrəmanlıq səhifələri varaqlanıb.

 

Döyüşçü dostları Şəhid Mehdi Rüstəmov haqqında öz xatirələrini bölüşüblər.

 

Batalyonun ştab rəisi Füzuli Rzaquliyev Azərbaycan Vətən Müharibəsi Veteranları İctimai Birliyinin təsis etdiyi xatirə medalını Şəhid Mehdi Rüstəmovun Anasına təqdim edib. Saray ana oğlunun qəhrəmanlığını bir daha yada salan o medalı qürurla qəbul edib.

 

Döyüşçülər görüş zamanı keçmiş döyüş yollarından, 713-cü batalyonun komandir müavini olan Mehdi ilə bağlı xatirələrindən, onun keçdiyi çətin döyüş yollarından danışıblar, şəhidin köhnə şəkillərinə baxıb, xoş anları yada salıblar.

 

Qazilər bu gün də torpaqların işğal altında olmasından nigaranlıq, utanc hissi keçirdiklərini deyərək, torpaqları işğaldan azad etmək üçün Ali Baş Komandanın əmrini gözlədiklərini deyərək, Şəhid qardaşlarının qisasını alacaqlarına söz veriblər.

 

Versus.Az

Xəbər lenti

InvestAZ

Ən çox oxunan xəbərlər

“Seçki ilə bağlı belə bir qanuna ehtiyac var” - MÜSAHİBƏ

Səni bu günə kim salıb, Yardımlı?..

Mandat ala bilməyən müxalifət çıxış yolu axtarışında

“Zəiflik, tənginəfəslik, sinədə ağrı…”

Üç ildir soyqırımla bağlı bu təklifi edirəm

Bərdədə kollec direktoru və müavini rüşvətə görə tutulub

"Bakıda "Xocalı şəhərciyi" yaradılsın"

HANI BU QANIN YİYƏSİ?!

Doktor Dulittlın heyrətamiz səyahəti filminin qapalı təqdimatı keçirildi

Ailənin tək oğlu, Şəhid qardaşı cəbhə bölgəsinə göndərilməsin - TƏKLİF

Gürcüstan azərbaycanlıları ana dilindən uzaqlaşdıran məqam - MÜSAHİBƏ

125 saylı Zəngilan-Qubadlı Seçki Dairəsinin 11 seçki məntəqəsində səsvermənin nəticələri ləğv edilib

“Onlar ali təhsil almışlardan daha uğurlu karyera qura bilərlər”

“Cəzasız cinayət”

SABİR RÜSTƏMXANLI yazır: Seçkinin ədəbiyyat havası