ABŞ-da yaşayan azərbaycanlı dirijor

13:33 19-06-2019 | icon 56 | Mədəniyyət
ABŞ-da yaşayan azərbaycanlı dirijor

İstedad Allahın bəndəsindən əsirgəmədiyi çox qiymətli hədiyyədir

 

ELMAN ELDAROĞLU

/ABŞ, Miçiqan/

 

İstedad Allahın bəndəsindən əsirgəmədiyi çox qiymətli hədiyyəsidir. Əksər hallarda özünə yol tapıb parlasa da, bəzi hallarda pünhan qalır. Almaz kimidir, cilalandıqca daha dəyərli olur. Məkan tanımır, bütün sədləri dəf edib sahibinə şöhrət gətirir...

 

Bu gün sizə ABŞ-da yaşayan daha bir istedadlı gəncdən, maestro Fərhad Xudiyevdən söhbət açmaq istəyirəm. Ulu babası Təbrizdən Bakıya, Bakıdan da Türkmənistana gedib. Atası Adil Xudiyev Aşqabadda iqtisadçı işləyib, 2008-ci ildə vəfat edib. Anası Adilə Rəsulova həkim kardioloqdur. Özündən başqa iki qardaşı da vardır...

 

Fərhad 1985-ci ildə Türkmənistanda anadan olub. 2001-ci ildə Aşqabadda Respublika Musiqi Məktəbinin doqquzuncu sinifini bitirərək ABŞ-ın Miçiqan ştatına gəlib. Burada “İnterlochen Arts Academy”-da orta təhsillə yanaşı skripka və bəstəkarlıq ixtisasını əldə edib. 2004-2008-ci illərdə Oberlin Konservatoriyasında həmin ixtisas üzrə ali təhsil alıb. 2008-2010-cu illərdə Kannektikut ştatındakı Yel Universitetində ikinci ali təhsil kimi dirijor ixtisasına yiyələnib. 2010-2011-ci illərdə Konnektikut, 2011-2012-ci illərdə Nyu Cersi orkestrlərində dirijorluq edib. 2012-ci ildən Kaliforniya ştatının Gənclərin Musiqi Orkestrində baş dirijor və musiqi direktoru vəzifəsində çalışır. Bu yaxınlarda Texas Universitetinin simfoniya orkestrinə dəvət alıb. Sentyabr ayından orada musiqi rəhbəri vəzifəsində işləməklə yanaşı, dirijorluq sənətini tədris edəcək...

 

...Ömür-gün yoldaşı Marcilə xanım əslən Əfqanıstandandır. İxtisasca ekoloqdur. Alya adlı bir qızı vardır. Alya xanım hələ ki, altı aylıq körpədir...

 

Fərhad artıq bir sıra uğura imza atıb. On iki yaşında olarkən Rusiyada keçirilən “Новые имена" festivalında ilk azərbaycanlı kimi üç il dalbadal təmsil olunub. 2007-ci ildə ABŞ-da keçirilən beynəlxalq kamera musiqisi festivalında qızıl medala layiq görülüb. 2009-cu ildə Yel Universitetində yenə də kamera musiqisi üzrə müsabiqədə birinci yerin mükafatına sahib çıxıb. 2015-ci ildə Tayvanda keçirilən dirijorların beynəlxalq müsabiqəsində çin musiqisinin ən yaxşı ifasına görə mükafat alıb. 2017-ci ildə Almaniyada baş tutan dirijorların Şolti adına beynəlxalq müsabiqəsində üçüncü yerə çıxıb. 2018-ci ildə isə Amerikanın gənc dirijorların müsabiqəsində Şolti adına mükafata layiq görülərək, Amerikanın beş ən yaxşı dirijorundan biri seçilib...

...Təbiət qoynunda olmaqdan zövq alır. Mütaliə etməkdən yorulmur. Futbol oynamağı xoşlayır. Bədii yaradıcılıqla da məşğul olur. İndiyədək beş kamera və üç simfonik əsər bəstələyib...

Fərhad Azərbaycan musiqisinə də biganə deyil. Bu barədə Azərbaycan ictimaiyyəti məlumatsız olsa da xeyli işlər görüb. 2013-cü ildə məşhur kamança ifaçısı İmamyar Həsənov və Montorey Gənclər Orkestrinin iştirakı ilə ABŞ-da ilk dəfə olaraq Azərbaycan simfonik musiqisindən ibarət konsert keçirilməsinə nail olub. Konsertdə onun dirijorluğu ilə Hacı Xanməmmədovun kamança və simfonik orkestr üçün bəstələdiyi musiqilər səsləndirilib. 2018-ci ildə isə Montorey Simfonik Orkestrinin iştirakı ilə daha bir konsert təşkil edib. Həmin konsertdə balaban ifaçısı Nicat Məsimov, nağara ifaçısı Natiq Şirinov və piano ifaçısı Abuzər Manafzadə də iştirak ediblər...

Həlim, gülərüz, mehriban gəncdir. Ana dilində sərbəst danışa bilməsə də fikirlərini ifadə etməyi yaxşı bacarır. İngilis, rus, alman dillərində danışa bilir. Türkmənistanda, ABŞ-da boya-başa çatsa da milli kimliyini unutmur və nə vaxtsa, haradasa kimsə soruşanda azərbaycanlı olduğunu fəxrlə söyləyir.
İnanıram ki, bu istedadlı, gənc dirijor Azərbaycan musiqisini Amerikada hələ çox tanıdacaq...

Xəbər lenti

Ölkədə kənd təsərrüfatı məhsullarının istehsalı artıb - 13 faiz

Bu ilin yanvar-iyun aylarında Azərbaycanda kənd təsərrüfatının ümumi məhsulunun faktiki qiymətlərlə dəyəri 3.675,8 mln. manat təşkil edib. Trend-in məlumatına görə, Dövlət Statistika Komitəsinin hesabatında ümumi göstəricinin 1.902,2 mln. manatının heyvandarlıq, 1.773,6 mln. manatının isə bitkiçilik məhsullarının payına düşdüyü qeyd edilib. Qeyd edək ki, hesabat dövründə əvvəlki ilin müvafiq dövrü ilə müqayisədə kənd təsərrüfatı məhsullarının istehsalı 13 faiz, o cümlədən heyvandarlıq məhsulları üzrə 2,9 faiz, bitkiçilik məhsulları üzrə isə 25,6 faiz artıb

Atəşkəs 26 dəfə pozulub

Qazaxıstanın Azərbaycandakı səfiri geri çağırılıb

Şəkidə xəsarət alan suriyalılar ...

“Xonça” MMC-nin brend-şefləri Dünya İslam Kulinariya Konqresində jüri qismində iştirak ediblər

XİN -nin Ermənistan-Azərbaycan sərhədində baş verənlərə reaksiyası

Yerlər dolduğu üçün Bakıda bəzi hotellər satışı dayandırdı

Naxçıvan əhalisinin sayı açıqlanıb

İrəvan işğal rejiminə Qərbdə dəstək axtarır - təhlükəli oyun

"Əhməd Davudoğlu və Əli Babacan nə səbəbə birgə partiya qurmaq yolunu seçmədi?”

Tanınmış aparıcı 17-ci mərtəbədən yıxılıb öldü

ATƏT-in yeni qətnaməsi: ərazi bütövlüyünə və beynəlxalq hüquqa hörmətin ifadəsi

Mandela: Əsas olan hər dəfə yıxılanda qalxmaqdır"

Xalq artisti Mirzə Babayevin doğum günüdür

Sultan Səlim bu sərvəti Təbrizdən aparmışdı

İspaniyadan ölkəmizə idxal edilən badam tingləri xərçəngşişkinliyi yaradır

İrəli
InvestAZ

Ən çox oxunan xəbərlər

İqbal Ağazadə hökumətə səsləndi-VİDEO

Partiya sədrindən rektora AÇIQ MƏKTUB

14 iyul 1959-cu il - Kərkük soyqırımı...

"Sovet İttifaqında doğulan hər kəs Rusiya vətəndaşlığı ala bilər" - BƏYANAT

“Nə yazıq ki, “Kərkük soyqırımı” ilə bağlı heç bir film çəkib səsimizi dünyaya duyura bilmədik”

Şəkidə çoxəsrlik çinar ağacı necə aşdı? /VİDEO/

713-cü batalyonun döyüşçüləri Şəhidlər Xiyabanında olub

Azərbaycana sızan Rusiya “sevgisi”

Füzuli Rzaquliyev Azərbaycan Xalq Cümhuriyyəti yaranması yubley medalı ilə təitif edilib

Yasəmən Qaraqoyunlu Türk soyqırımlarının tarixi-siyasi səbəblərini açıqladı

Bir həftəyə xərçəngi yox edən MÖCÜZƏVİ VASİTƏ

Canlı yayında İsgəndər Həmidov müəmması (VİDEO)

Partiya sədrindən AXC-nin yaranmasının 30 illiyi ilə bağlı TƏBRİK

78 yaşında universitetə sənəd verdi

İqbal Ağazadədən Keçikçidağ hadisəsi ilə bağlı sərt mövqe