O, xalqımızın qənimət övladlarından biridir...

12:13 11-07-2019 | icon 65 | Cəmiyyət
O, xalqımızın qənimət övladlarından biridir...

 

ELMAN ELDAROĞLU

/ABŞ, Miçiqan/

 

Tarixçi alimlər iki çür olurlar- hadisələrə öz mülahizə və düşüncələrini qatıb, qələmə alanlar və hadisələri olduğu kimi təqdim edənlər. Birincilərin kitablarını oxuyarkən biz tarixi hadisələrə onların düşüncəsindən boylanırıq. İkincilərin vasitəsi ilə isə heç bir rəng qatılmadan, hadisələrlə olduğu kimi, yəni çılpaqlığı ilə tanış oluruq və olaylara dəyər vermək oxucunun öz səviyyəsindən asılı olur. Nəsiman Yaqublu tarixi hadisələri olduğu kimi oxucuya çatdırmağa çalışan alimlərimizdəndir...

 

Hər zaman axtarışdadır. Rusiya, Türkiyə və Avropa arxivlərində tədqiqatlarını yorulmadan davam etdirir. 30 ildən çox olar ki, M.Ə.Rəsulzadə irsinin tədqiqinə vaxt ayırır. Bu mövzuya sədaqətlidir. Demək olar ki, hər il bir kitabla oxucularının görüşünə gəlir...

 

Belə alimlər həm də xalqın canlı sərvətləridir. Onları qorumaq, ehtiram göstərmək, məişət qayğılarını yüngülləşdirməyə çalışmaq lazımdır. Onların ərsəyə gətirdiyi hər əsər qiymətsiz xəzinə kimi xalqın sabahına bir mirasdır...

 

Özünü bir dəfə də olsun belə görməmişəm. Amma onu sevən minərlə insandan biri də mənəm. Bu sevgi əbəs yerə yaranmayıb. O, bunu yaradıcılığı ilə haqq edib...

 

Belə insanların siyasi əqidəsi, ifadə etdiyi kəskin fikrlər kimlərinsə xoşuna gəlməyə bilər, lakin bir vacib məsələni unutmaq lazım deyil ki, o, Azərbaycan xalqının qənimət övladlarından biridir. Olub keçənlərin tarixini yaza-yaza özü də tarixə çevrilib...

 

Deyirlər, alim olmaq asandır, insan olmaq çətin. Amma əsl alimlərə ən böyük dəyəri İslam peyğəmbəri verib; alimin qələminin mürəkkəbi şəhid qanına bərabərdir. Bəli, tarix üzrə fəlsəfə doktoru Nəsiman Yaqublu məhz belə alimlərdəndir…

Sevinirəm ki, ölkə rəhbəri bir sıra ziyalılarla yanaşı, uzun illərdir cümhuriyyət tarixini araşdıran Nəsiman Yaqublunu da "Azərbaycan Xalq Cümhuriyyətinin 100 illiyi" yubiley medalı ilə təltif edib. Bəlkə də bu bir başlanğıcdır. İnanıram ki, Nəsiman Yaqublu nə vaxtsa dövlətimizin ən ali mükafatlarına da layiq görüləcək...

Xəbər lenti

InvestAZ

Ən çox oxunan xəbərlər

“Qocalmadan problemi həll etmək istəyirsinizsə, mənim hakimiyyətə gəlməyimə sizlər də yardımçı olun” - MÜSAHİBƏ-3

MÜBARİZ MƏNSİMOVUN SUÇU

 

 

“Bu, düz bağırsaqda bədxassəli şişin yaranma riskini 9 % artırır”

AXH: Hakimiyyətdən bu cür siyasətinə son qoymasını tələb edirik

AXH Qurultaya hazırlaşır

Kənddə qulyabani ovu: həmin “naməlum varlıq” bu dəfə Çiyni sakinlərini “təqib edir” - FOTO

"Asma körpü"nün bərpasi ücün rayon rəhbərliyinə müraciət edirəm

Azərbaycanın hərbi qulluqçuları Moskvada mükafatlandırılıb

Dövlət komitəsi Məhərrəmlik ayı ilə bağlı müraciət etdi

Qənirə Paşayeva Kamerun, Nigeriya və Konqonun qadın nazirləri ilə görüşüb

Millət vəkilinin tanınmış qadın siyasətçiləri, QHT, KİV, təşkilat rəhbərləri ilə görüşü davam edir

Ulu öndər Heydər Əliyevin yaxın dostu Osman Gezekerin ailəsi Azərbaycana təşəkkür etdi

Bakı-Naxçıvan-Bakı marşrutu ilə sərhədkeçmə prosesi asanlaşdı

Ermənistanın Qazax təxribatına Sərhəd Xidmətindən sarsıdıcı cavab

Aysel və Xoşqədəmin davasında son durum