Versus.Az Mətbuat Günündə

 Versus.Az Informasiya Agentliyinin kollektivi Mətbuatın 144-cı ilini qeyd edib.  Saytın baş redaktoru Tahirə Qafarlı Yeni, sağlam köklər əsasında formalaşan Versus.Az-ın əməkdaşlarını səmimi qəlbdən təbrik edib, hər kəsə xoş arzularını çatdırıb. Masa ətrafına toplaşan, az, lakin işində qətiyyətli olan kollektivin hər bir üzvünə söz verilib. Hər kəs öz fikir və mülahizələrini bölüşüblər. Beləcə, gözəl bir səmimi ortamda saytın 2 illik yoluna  nəzər salınıb. Böyük uğurların astanasında dayanan Versus.Az – çılar bu qısa zaman ərzində əldə olunan müsbət nəticələrə görə qürurlanıblar və gələcəkdə daha böyük inkişafa şahidlik edəcəklərini əminlikllə bildirdilər. 

Versus.Az qarşıya qoyduğu məqsədini - tərəfsiz, qərəzsiz, problemlərin düzgün və operativ ictimaiyətə çatdırılmasını təmin etməklə, Azərbaycan media çapında öncüllər sırasında dayana bilmək üçün daxili imkanlarını, potensialını, gücünü götür-qoy edib Eyni zamanda  ölkəmizin Dağlıq Qarabağ münaqişəsi ilə bağlı yaşadığı mövcud  problemləri, ölkəmizə qarşı olan, eləcə də dünyada qərəzli “informasiya müharibəsi”nin getdiyini nəzərə alaraq jurnalistləri daim öz ayıq-sayıqlığını  operativliyini qorumaqla bu istiqamətdə səyləri birləşdirməyə çağırıb

Versus.Az Milli Mətbuatımızın banisi Həsənbəy Zərdabi yolunun davamçısı olduğunu dərk edərək, bu istiqamətdə alnıaçıq yürüdüyünü bilir və bunu özü üçün “Zərdabi mükafatı” kimi dəyərləndirir.

Yolun açıq olsun Versus.Az

Mətbuat Günün mübarək!

Versus.Az