Eks deputatlığa namizəd Qubanın rəsmilərinə, millət vəkilinə səsləndi
"Tanınmış jurnalist Əvəz Zeynalli Qubanin Dağlı kəndində əhalinin üzləşdiyi su problemini ictimailəşdirib. Bir Qubalı olaraq, buna görə Əvəz bəyə təşəkkür edirəm".
Versus.Az xəbər verir ki, bu barədə siyasi ekspert Əliabbas Məhərrəmli sosial şəbəkədə yazdığı statusunda bildirib.
Ə.Məhərrəmli keçmiş deputatlığa namizəd və qarşıdan gələn seçkilərdə yenidən namizədliyini irəli sürəcək bir siyasətçi və xüsusilə bir qubalı kimi bildirib ki, o, həmin problemlə maraqlanıb, məsələnin həlli üçün müəyyən işlər görməyi özünə borc bilib. Onun sözlərinə görə, Dağlı kəndinin su problemi yeni deyil və kənd böyüdükcə, problem də dərinləşib.
Ə.Məhərrəmli bildirib ki, o, məsələ ilə əlaqədar "Azərsu" Açıq Səhmdar Cəmiyyətinin Quba İdarəsinin rəhbərliyi ilə əlaqə saxlayıb. Cəmiyyətdən ona bildirilib ki, Dağlı kəndində su probleminin həlli olunması üçün artıq böyük bir layihə hazırlanıb və yaxın vaxtlarda onun icrasına başlanılacaq.
"Mən Quba rayon icra hakimiyyətinin başçısına və “Azərsu”yun rəhbəri Qorxmaz müəllimə müraciət edərək, bu işin sürətlənməsi ücün səylərini əsirgəməmələrini xahiş edirəm.
Eyni zamanda, Dağlı kəndinin daxil olduğu seçki dairəsindən seçilmiş deputat Vahid Əhmədovun da o layihənin tezliklə həyata keçirilməsi üçün aidiyyatı qurumlar qarşısında məsələ qaldırması işin faydasına olardı.
Yeri gəlmişkən, Dağlı kəndinin əhalisinə də səslənirəm. Qarşıdan bələdiyyə seçkiləri gəlir. Vəziyyətinizə baxın və sizi uzun illər susuzlugdan xilas edə bilməyən, bələdiyyənin indiki rəhbərliyinə, üzvlərinə bir nəfər kimi yox deyin, onların yerinə sizin problemləri həll etməyə qadir olan şəxsləri seçin. Çünki kənd bələdiyyəsi bu illər ərzində heç olmasa, əlavə bir artezian quyusu qazdırıb, problemi qismən aradan qaldıra bilərdi. Ancaq təəssüf ki, etməyib. Bu məsələni diqqətdə saxlayacağıq"-deyə Ə.Məhərrəmli bildirib.
Ləman
Versus.Az
Xəbər lenti
Rusiyaya məxsus helikopter aerodromda məhv edildi
Helikopter Rusiya Ordusunun logistik ehtiyaclarını və təxliyə...