İqbal Ağazadə: “Dövlət karantin müddətində iri marketlərlə müqavilə imzalayıb, sosial marketlər yaratmalıdır”

"İqtisadi İnkişaf Nazirliyi dövlət büdcəsi hesabına ərzaqlar almalı, sosial mağazalarda maya dəyərindən aşağı qiymətlərlə satışını təşkil etməlidir".

Versus.Az xəbər verir ki, belə bir təkliflə Ümid Partiyasının sədri İqbal Ağazadə "facebook" hesabında çıxış edib.

Partiya sədri bildirib ki, əhalinin aztəminatlı hissəsi müdafiəsiz qalmasın deyə dövlət karantin müddətində iri marketlərlə müqavilə imzalayıb, sosial marketlər yaratmalıdır:

“Yaradılan fonda daxil olan vəsaitlərdən də bu məqsəd üçün istifadə etmək olar. Hər halda bunun üçün mənbələr var”.

İ.Ağazadə qeyd edib ki, səlahiyyətli dövlət qurumları üçün maraqlı olarsa, Ümid Partiyası bu məsələ ilə bağlı tam proqram təqdim etməyə hazırdır:

“Nəzərə almalıyıq ki, mövcud qiymətlər aztəminatlı ailələrin vəziyyətinə çox pis təsir göstərir. Bir neçə gündən sonra vəziyyət daha mürəkkəb ola bilər”.

LƏMAN
Versus.Az