"Vasif Talıbov buna getməz, o özü bunun qabağını alar"

17:12 27-06-2020 | 561 | Siyasət

Fuad Əliyev: "Məsələnin gündəmə gətirilməsi düşmənlərimizin, xüsusilə ermənilərin marağındadır"

"Naxçıvan Azərbaycanın ayrılmaz hissəsidir. Bu məsələni ortalığa atan Azərbaycan dövlətinin, Azərbaycan xalqının düşmənləridir. Bu məsələni 10 il, 5 il bundan qabağda vaxtaşırı gündəmə gətirirdilər".

Versus.Az xəbər verir ki, bu sözləri Naxçıvanın Azərbaycandan ayrılması üçün referendumun keçiriləcəyi ilə bağlı son günlərdə gəzən söhbətlə bağlı açıqlamasında Azərbaycan Liberal Demokrat Partiyasının (ALDP) sədri Fuad Əliyev deyib.

Partiya sədri Naxçıvanda kiminsə buna gedə bilərcəyinə inanmadığını bildirib:

"Vasif Talıbov ağıllı məmurdu, o, buna getməz, o, özü bunun qabağını alar. Hesab edirəm ki, bu məsələnin gündəmə gətirilməsi bizim düşmənlərimizin, xüsusilə ermənilərin marağındadır. Dağlıq Qarabağı işğaldan qabaq illər boyu dünyada təbliğat aparıblar ki, bu torpaqlar onlarındır. İndi də Naxçıvanla bağlı 30-40 il təbliğat mexanizmi işə salıblar ki, guya Naxçıvan ermənilərin torpaqlarıdır. Hakimiyyətdaxili çəkişmələri nəzərə alsaq, kimlərsə bunu öz maraqlarına uyğun istifadə edə bilərlər”.

LƏMAN
Versus.Az