Dinarə Məmmədova: "Şəhid Osmana, öz atanın ruhuna ikinci “gülləni” sən vurdun"

ABŞ-da sığınacaq tapan Sevinc Osmanqızının son çıxışı müxalifət düşərgəsində də hiddətlə qarşılanıb. Xanım siyasilər onun bu kimi antiazərbaycançılığını qınayırlar.

Azərbaycan Liberal Demokrat Partiyasının (ALDP) sədr müşaviri Dinarə Məmmədova Versus.Az-a açıqlamasında bildirib ki, ermənilərin Tovuz sərhədindəki təxribatından sonra Avropanın bir neçə ölkəsində, Rusiyada və ABŞ-da yaşayan azərbaycanlılara qarşı hücümları bütün dünya gördüyü halda, Sevinc Osmanqızı kimilər nədənsə görməzdən gəlir:

"Görün bu adam nə qədər pul alıb ki, qarşılığında bütün bu hadisələrdən sonra erməniləri müdafiə edir, xaricdə ermənilərin soydaşlarımıza qarşı etdiyi fiziki zorlakılğı, təhqir olunmasını, güləllənməsini, döyülməsinin və bu kimi digər qarşıdurmaların Azərbaycan tərəfindən təşkilolduğunu deyir?!

Ata övlad üçün müqəddəsdir. Şəhid olan ata iki qat müqəddəsdir. Çünki Şəhid olan ata təkcə sənin atan deyil, o, xalqın övladıdır. Sözüm Osmanqızınadır. Sevinc, sənin atanı ermənilər Şəhid etdi. İndi isə öz atanın ruhuna ikinci “gülləni” sən atdın, öz əlinlə onu vurdun. Xalq olaraq Şəhid Osman Mirzəyevi heç vaxt yaddan çıxartmayacağıq. Onunla fəxr edəcəyik. Amma bu xalq səni və sənin kimi satqın olan Orduxanı, Qəniməti, Turalı və başqalarını da yaddan çıxartmayacaq. Sizlərə xalqın adından danışmağa heç kim ixtiyar verməyib. Yəqin ki, siz xalq deyəndə, öz erməni xalqınızı nəzərdə tutursuz.

Allah Şəhidlərimizə rəhmət eləsin! Onların qanı yerdə qalmıyacaq. Gec, tez qisas alınacaq. Sizlər isə bizim Xalqın məhkəməsinin qarşısında cavab verəcəksiz. Buna hazır olun!"

PƏRİ
Versus.Az