Razi Nurullayev: "Bütün siyasi qüvvələrlə qarşılıqlı əməkdaşlıq mümkündür"

"Bu addımla biz müxalif düşərgədə ilk həmrəyliyin yaranması istiqamətində addım atmış oluruq. Bütün hərəkatçıları və sağlam cəbhəçiləri çaşqın və məşəqqətli durumda olmaqdan xilas olmağa, birləşmək istiqamətində sağlam düşüncəyə səsləyirik".

Versus.Az xəbər verir ki, bunu deputat Razi Nurullayev Milli Cəbhə Partiyasının (MCP) təsis edilməsi ilə bağlı açıqlamasında deyib.

Razi Nurullayev bildirib ki, eyni zamanda bununla fəal siyasi kəsimə seçim üçün imkan yaradıblar ki, siyasi mübarizələrini sağlam formada və millətə sevgi və dövlətə etiqad prinsipində olan bir partiyada davam etdirə bilsinlər:

"Hesab edirik ki, MCP-nin yaranması ilə siyasi qüvvələr arasında təmərküzləşməyə nail olmaq və bütün siyasi qüvvələrlə qarşılıqlı əməkdaşlıq mümkündür".

PƏRİ
Versus.Az