Fazil Mustafa: "Operativ qərargaha müraciət edirəm ki, qərarlarına bir də baxsın"

Milli Məclisin iclasında deputat Fazil Mustafa koronavirus pandemiyası dövründə bəzi iş yerlərinin açılmasını təklif edib.

Versus.Az xəbər verir ki, F.Mustafa xüsusi karantin dövründə marketlərə çox sayda insan daxil olduğunu vurğulayıb:

“Amma digər müəssisələr işləmir. Kiçik sahibkarlıq fəaliyyət göstərmir. Nazirlər Kabineti yanında operativ qərargaha müraciət edirəm ki, qərarlarına bir də baxsın. Nə qədər müəssisə varsa, açılsın. Amma  nəzarət də gücləndirilsin, karantin qaydalarının pozulmasına görə yeri gələndə sahibkar cərimələnsin. Lakin insanlar işsiz qalıblar, biz bunu anlamalıyıq”.

Millət vəkili qeyd edib ki, rayonlara gediş-gəliş açılmalıdır:

“Rayonlara gediş-gəliş açılmalıdır ki, bölgələrdə turizm sektoru məhv olmasın”.