"Demokratik Azərbaycan Dünyası Partiyası bu gündə Milli Həmrəylik Partiyası oldu"

Demokratik Azərbaycan Dünyası Partiyasının (DADP) növbəti, 6-cı Qurultayı onlayn formatda keçirildi. Partiyanın adı dəyişdirildi.

Versus.Az xəbər verir ki, bu barədə partiyanın mətbuat xidmətinin məlumatında bildirilib.

Məlumatda bildirilir ki, DADP-ın adı dəyişdirildi və bu gündən etibarən Milli Həmrəylik Partiyası (MHP) olaraq fəaliyyətini davam etdirəcək.

Partiyanın sədri Əlisahib Hüseynov "facebook" səhibəsində bu barədə paylaşım da edib:

"Əvvəlki adımız - "Demokratik Azərbaycan Dünyası Partiyası" (DADP) tarixə qovuşdu. Yeni adımız - Milli Həmrəylik Partiyası - xeyirli-uğurlu olsun!

Qurultayımız barədə isə ətraflı məlumatı media üzərindən paylaşacağıq".

Qeyd edək ki, partiyanın sənədlərimizi yaxın günlərdə Ədliyyə Nazirliyinə təqdim ediləcək.

PƏRİ
Versus.Az