"Azərbaycanın ərazi bütövlüyü və suverenliyi ilə bağlı Pakistanın tutduğu mövqe ölkəmizdə böyük rəğbətlə qarşılanıb"

Millət vəkili Qənirə Paşayeva rəhbərlik etdiyi Pakistan-Azərbaycan parlamentlərarası işçi qrupu adından Dost və qardaş Pakistan İslam Respublikasının Milli Assambleyasında fəaliyyət göstərən Pakistan-Azərbaycan dostluq qrupu əlaqələndiricisi cənab Murteza Caved Abbasi və Senatda fəaliyyət göstərən Pakistan-Azərbaycan dostluq qrupu əlaqələndiricisi cənab Məhəmməd Talha Mahmuda Pakistanın siyasi rəhbərliyinin Azərbaycan torpaqlarının işğaldan azad edilməsi ilə bağlı həyata keçirdiyi hərbi əməliyyatlara nümayiş etdirdiyi dəstəyə görə dərin minnətdarlığını bildirib.

Versus.Az xəbər verir ki, Qənirə Paşayeva Azərbaycanın ərazi bütövlüyü və suverenliyi ilə bağlı Pakistanın tutduğu mövqe ölkəmizdə böyük rəğbətlə qarşılandığını qeyd edib. O, Pakistanın daima Dağlıq Qarabağ münaqişəsində Azərbaycanın haqlı mövqeyinin qətiyyətlə dəstəklənməsi beynəlxalq hüquq və prinsiplərə hörmətin parlaq nümunəsi olduğunu vurğulayıb.

PƏRİ
Versus.Az