Versus.Az xəbər verir ki, bəyanatda deyilir:

 

 

"30 ilə yaxındır ermənilər Azərbaycanın tarixi torpaqlarını, Qarabağı işğal ediblər. Qardaş Azərbaycan uzun illər səbr göstərdi, münaqişənin danışıqlar yolu ilə həll olunmasının tərəfdarı oldu. Təəssüf ki, ikili standartlar sözügedən məsələdə də özünü açıq şəkildə göstərdi. Bundan istifadə edən ermənilər atəşkəs dövründə də Azərbaycana qarşı hücumu davam etdirdilər. Bu gün isə biz İraq türkləri olaraq Azərbaycanın haqq davasında onun yanındayıq. Azərbaycan torpaqlarını geri almaq üçün elə öz torpağında antiterror əməliyyatları keçirir. Təəssüf ki, ermənilər həmişə olduğu kimi, yenə öz çirkin xislətlərinə sadiq qalaraq mülki insanları hədəf alırlar. Bu isə bütün beynəlxalq sənədlərdə, konvensiyalarda yolverilməzdir. Türkmənlər olaraq ürəyimiz Qarabağla, Azərbaycanla döyünür və hər gün soydaşlarımız üçün dua edirik. Düşmən xain hücumlarını şiddətlə qınayırıq. Tezliklə Azərbaycan Ordusunun Qarabağı azad edəcəyinə, qalib olacağına inanırıq"