“2-3 ilə Rüsiya sülhməramlıları oradan çıxacaqlar”

13:34 21-11-2020 | icon 327 | Siyasət
“2-3 ilə Rüsiya sülhməramlıları oradan çıxacaqlar”

 

Fuad Əliyev: "Artıq heç kim bu qələbəyə şübhə edə bilməz”

 

“Hollandiya hökümətinin ermənilərin anti-azərbaycan təbliğatı nəticəsində belə bir addım atmaq niyyəti var idi. Amma sonra bu fikirdən daşındılar. Bu gün bu məsələ gündəmdə deyil”.

 

Versus.Az xəbər verir ki, bunu “Kanal-13”-ə müsahibəsində “Azərbaycana qarşı sanksiyalar tətbiq olunarsa, Azərbaycan nə etməlidir” sualını cavablayan Azərbaycan Liberal Demokrat Partiyasının (ALDP) sədri Fuad Əliyev bildirib.

 

Partiya sədri vurğulayıb ki, Fransa müharibənin ilk günündən açıq şəklində Ermənistanı dəstəkləyirdi:

 

“Müharibə qurtarandan sonra Fransa parlamentinin nümayəndələri Azərbaycana gəldilər. Geri dönən kimi digər deputatlara tövsiyə etmişdilər ki, Azərbaycanla münasibətləri pozmaq lazım deyil. Bu, ermənilərin anti-azərbaycan təbliğatı nəticəsində baş verir. Biz buna hazır olmalıyıq. Cəmiyyət olaraq 44 gün ərzində birlik nümayiş etdirdik. Hesab edirəm ki, bundan sonra da belə məsələlərdə bir olarıq.”

 

Fuad Əliyev qeyd edib ki, ABŞ və Fransa məlum üç ölkənin razılaşmasından kənarda qaldığına görə, siyasi divident qazanmaq üçün indi aktivlik göstərirlər:

 

"Artıq heç kim bu qələbəyə şübhə edə bilməz. Biz öz torpaqlarımızı azad etmişik. Dövlət başçısı azad olunan torpaqlara səfər edərək, ilk böyük layihəyə, Fizuli-Şuşa yolun çəkilməsinə start verdi. Bundan sonra Qarabağda həyatın bərpası başlanacaq. Dekabrın 1-dən sonra əhalimizin  qayıtması üçün bütün infrastruktur bərpa olunacaq”.

 

Rusiya sülhməramlı qüvvələrin Xankəndində yerləşdirilməsinin Azərbaycana təzyiq kimi qiymətləndirilməsilə razılaşamayan ALDP sədri vurğulayıb ki, Putin hələ müharibə başlayarkən bildirmişdi ki, biz bu işə qarışmırıq, bu, Azərbaycanın daxili işidir:

 

“Muharibə qurtarandan sonra Putin bildirdi ki, Qarabağ Azərbaycan ərazisidir. İkinci tərəfdən Türkiyə sülhməramlıların Azərbaycana gəlməsini də bu məsələdə qarant durması kimi qiymətləndirirəm. Soydaşlarımız Qarabağa, o cümlədə Xankəndinə qayıdandan sonra, ermənilər oranı tərk edəcəklər. Və Rusiya sülhməramlılarına ehtiyac qalmıyacaq. Mənim proqnozuma görə 2-3 ilə Rüsiya sülhməramlıları ordan çıxacaq”.

 

SEVDA
Versus.Az

Xəbər lenti

InvestAZ

Ən çox oxunan xəbərlər

Kəlbəcər şəhərində Azərbaycan bayrağı QALDIRILDI

19 yaşında xalqın, dövlətin təqdirini QAZANMAQ

O dünyadakı məqamın yüksək olsun, CAVAD

Şuşada tapılan 32 illik HƏDİYYƏ

Adı – Xəyal, igidliyi – gerçək

Adını doğruldan...

Bakı Ali Neft Məktəbi - Doqquz il

Bu gün laçınlılar özlərinə qayıtdılar, özlərini tapdılar

Sakit, Şanslı, Diqqətli, Dost...

Məktəb direktoru vəfat edib

Akif İslamzadə və Brilliant Dadaşova 35 il sonra - VİDEO

BAYRAĞI UCA

Tələbələrin e-telebe.edu.az portalı üzrə son müraciət TARİXİ

BDU-dan qovulan tələbə ilə bağlı universitetdən AÇIQLAMA

Azərbaycan Zod qızıl yatağı ilə bağlı araşdırmalara BAŞLAYIR