"Ermənistan üzərində möhtəşəm qələbəmiz Zəfər Gününü reallaşdırdı"

13:15 04-12-2020 | icon 188 | Siyasət
"Ermənistan üzərində möhtəşəm qələbəmiz Zəfər Gününü reallaşdırdı"

Rufiz Qonaqov: "Canlarından keçən şəhidlərimiz var və hər biri böyük ehtiramla anılacaq"

 

“Azərbaycanın rəşadətli ordusunun Qarabağda Ermənistan ordusu üzərində möhtəşəm qələbəsi Zəfər Gününü reallaşdırdı. Biz bu Zəfəri uzun illərdən bəri arzulamışdıq.  Azərbaycan Prezidenti cənab İlham Əliyevin baş komandanlığı ilə Azərbaycan Ordusu şanlı qələbə çaldı, ərazi bütövlüyümüzü təmin etdik. Buna görə də cənab Prezidentin bu sərəncamı tərəfimizdən çox böyük ruh yüksəkliyi ilə alqışlanır. Biz Vətən uğrunda şəhid olan oğullarımızı da unutmayacaq”.

 

Versus.az xəbər verir ki, bunu politoloq Rufiz Qonaqov Vətən müharibəsi qələbəsinin əbədiləşdirilməsi məqsədilə 8 noyabrın Azərbaycanda Zəfər Günü kimi qeyd edilməsi və dekabrın 4-nün matəm günü kimi qeyd olunması ilə bağlı şərhində bildirib.

 

Politoloq bildirib ki, Prezidentin bu sərəncamları Azərbaycan xalqı tərəfindən böyük ruh yüksəkliyi ilə qarşılanır. Eyni zamanda bütün insanları sevindirir ki, artıq Azərbaycanda bu niskilə son qoyuldu.

 

“Bu günə qədər biz yalnız ərazilərimizin, torpaqlarımızın işğal günlərini yada salırdıqsa, bu gündən sonra Zəfər günlərini qeyd edəcəyik. Bundan sonra ərazi bütövlüyümüzün təmin olunması günlərini qeyd edəcəyik”.

 

R.Qonaqov rəsmi statistikaya əsasən Vətən Müharibəsində 2783 şəhidimizin olmasına diqqət çəkib. O bildirib ki, Azərbaycan torpaqlarının işğaldan azad olunması uğrunda 1-ci Qarabağ müharibəsində canlarından keçən şəhidlərimiz var və hər biri böyük ehtiramla anılacaq. Eləcə də, bildirib ki, Şəhidlərimizin ruhunun 1 dəqiqəlik sükutla anılması və 27 sentyabrın hər il anım günü kimi qeyd edilməsi gözlənilirdi.

 

“Biz bilirdik ki, müharibə itkisiz olmayacaq. Amma bizim bu şəhidlərin qanı yerdə qalmadı. Biz 44 günlük müharibədə biz 30 ilə yaxın gözlədiyimiz qələbəni qazandıq. Biz sabah dekabrın 4-nü həm də bir niskillə qeyd edəcəyik. Eyni zamanda qürurla deyə biləcəyik ki, bütün şəhidlərimizin ruhu şad olacaq. Ona görə ki biz qalibik. Biz qalib ölkənin qalib vətəndaşlarıyıq. Biz şəhidlərimizi daim anacağıq, yaralılarımızın qayğısına qalıb, onlara diqqətli davranacağıq. Bu günəri ruh yükskliyi qarşılayacağıq”.

 

Politoloq  bildirib ki, artıq Azərbaycan Ordusu, diplomatiyası torpaqların azadlığı uğrunda əldə etdiyi qələbənin üçüncü mərhələsini yaşayır. Onun sözlərinə görə, regionda sülhməramlı qüvvələrin olması ilə bağlı mövcud məhdudiyyətlər və ermənilərin ərazilərimizdə qalması ilə əlaqədar ortaya çıxan şübhəli ehtimallara ehtiyac yoxdur.

 

“Belə şübhələrə ehtiyac yoxdur. Çünki biz 44 günlük müharibədə işğal altında qalan ərazilərimizi azad etmişik. Xankəndi, Xocavənd, Xocalı, Ağdərə və digər rayonlarımız da Azərbaycanın dövlət sərhədləri, suverenliyi daxilindədir. Narahatlıq yalnız ermənilərlə birgə yaşayışla bağlı ola bilər. Burda hər hansı statusdan söz gedə bilməz. Kim Azərbaycan qanunlarına hörmətlə yanaşacaqsa, o da Qarabağda Azərbaycan vətəndaşı olaraq yaşaya biləcək. Dağlıq Qarabağ münaqişəsi artıq mövcud deyil.  Biz müvəqqəti olaraq Laçından ermənilərə karidor vermişik. Qarabağda erməni silahlı qüvvələri qala bilməz. Əgər Prezident deyirsə ki, müharibəyə son qoyuldu, demək ki, heç bir şübhəyə də ehtiyac yoxdur. Artıq köçkünlərimizin qayıdışı təmin olunmalıdır. Rayonlarımız bərpa olunub, əhali geriyə qayıdandan sonra bu şübhələr də aradan qalxacaq. Ermənistan bu müharibədə elə bir zərbə aldı ki, uzun zaman özünə gələ bilməyəcək. Azərbycan üçün həm də müsbət hal odur ki, Türkiyə Ordusu monotorinq qrupunda var və bu da bizə narahat olmağa əsas vermir. Eyni  zamanda Azərbaycan Ordusu kifayət qədər güclüdür və özünün suvereniyini qorumaq iqtidarındadır. Ona görə də burda heç bir şübhəyə ehtiyac yoxdur”. /Hafta.az/

 

T.Qafarlı
Versus.Az

Xəbər lenti

InvestAZ

Ən çox oxunan xəbərlər

Razi Nurullayev İmişlidə şəhid və qazi ailələrini qarış-qarış gəzir - FOTO

İqbal Ağazadədən Putinə: Ya yaxşı qonşu olun, ya gedin!

Qəhrəmanımızı tanıyaq

Hafiz Hacıyevdən “partlayış”a səbəb olacaq açıqlamalar gəlir – MÜSAHİBƏ

“Qarabağda bütün məsələlər Azərbaycanın xeyrinə həll ediləcək” - MÜSAHİBƏ

Polad Həşimovun adı küçəyə verildi

"Bunun nəticələri Azərbaycanın xeyrinədir"

"Azərbaycan öz milli maraqlarını sonacan müdafiə etdi" - VİDEO

Tarix olan qəhrəman igidlərimizdən biri - BƏHRUZ ƏLİYEV

Xuraman Qasımova: “Prezidentin Şuşa səfərini izləyəndə ağladım”

"Ermənistan Azərbaycanın humanist siyasətindən nəticə çıxartmalıdır"

Region dövlətlərinin geosiyasi maraqları - MÜSAHİBƏ

"Qarabağda ermənilərlə birgə yaşamaq üçün vaxt lazımdır"

“Pielonefrit insanların bütün yaş qruplarında tez-tez təsadüf edilən XƏSTƏLİKLƏRDƏNDİR

"Bəlkə də onlar "5-ci kolon"un üzvləridir"