Qənirə Paşayeva: "Əziz Azərbaycanlılar, Həmrəylik Günümüz mübarək olsun!"

"Bu gün Dünya Azərbaycanlılarının Həmrəylik Günüdür! Bu münasibətlə dünyada yaşayan bütün Soydaşlarımızı səmimi qəlbdən təbrik edirəm! Həmrəyliyimiz güclü və sarsılmaz olsun hər zaman! Çünki biz birlikdə daha güclüyük!"

Versus.Az xəbər verir ki, bunu Dünya Azərbaycanlılarının Həmrəylik Günü ilə bağlı "facebook" hesabında təbrik paylaşımında millət vəkili Qənirə Paşayeva bildirib:

"Ali Baş Komandanın rəhbərliyi altında şanlı Azərbaycan Ordusunun şücaəti, qəhrəman Xalqımızın birliyi ilə torpaqlarımızı işğalçı Ermənistanın işğalından azad etdik. Ali Baş Komandanımızın qətiyyəti, güclü siyasi iradəsi, hər zaman qarşılarında baş əydiyimiz əziz Şəhidlərimizin və Qazilərimizin qəhramanlıqları və bütün dünya Azərbaycanlılarının həmrəyliyi, birliyi ilə bu Zəfərə nail olduq. Allah bu birlik ruhumuzu qorusun! 2021-ci ildə də Azərbaycanımızın böyük işlərə, uğurlara imza atması üçün həmrəyliyimizi daha da gücləndirməliyik. Əziz Azərbaycanlılar, Həmrəylik Günümüz mübarək olsun!"

PƏRİ
Versus.Az