"Onların şablon cavablarını zibil vedrəsinə atıram"

11:23 25-05-2021 | 1002 | Siyasət

Razi Nurullayev: "Elə qurumlar var ki, ya tükləri tərpənmir, ya da..."

"Azərbaycan Respublikası Müdafiə Nazirliyi sorğularımıza operativ və əksər hallarda müsbət cavab verən dövlət qurumları arasındadır. Mən bunu yüksək qiymətləndirirəm".

Versus.Az xəbər veir ki, bunu şəxsi "facebook" hesabında Milli Cəbhə Partiyasının (MCP) sədri, deputat Razi Nurullayev yazıb.

Deputat vurğulayıb ki, elə qurumlar da var ki, ya tükü tərpənmir, ya da şablon cavablarla işlərini bitmiş sayırlar:

"Onlar cavablarını şöbə müdirinin müavininin köməkçisinın az qala sürücüsü adından imzalatdırıb göndərirlər. Mən də onu ayaqlarımın yanında dayanan, stolun altında olan zibil vedrəsinə atıram. Amma, məsələ bununla bitmir".

R.Nurullayev qeyd edib ki, bugünə qədər bütün haqlı müraciətlər müsbət həllini tapıb:

"Müharibədə medal və ordenlər ala bilməyən məktub müəlliflərinin əksəriyyətinə müsbət cavab verilir. O döyüşçü əsgər və zabitlər təltif ediləcəklər. Ümumilikdə 30-dan çox əsgər və zabitin müraciəti müsbət həll edilib".