"Onun adına nəsə yaradırlar ki, kimlərdənsə pul qoparsınlar"

“Onlarda səmimilik olsaydı, Elçibəyi güdaza verməz, onu zəhərləyib öldürməzdilər”.

Versus.Az xəbər verir ku, bunu açıqlamasında Müsavat, Xalq Cəbhəsi (AXCP) və Xalq (AXP) partiyaları liderlərinin Elçibəy İnstitutu yaratmalarına münasibət bildirən Müasir Müsavat Partiyasının (MMP) sədri Hafiz Hacıyev səsləndirib.

Hafiz Hacıyev sözügedən partiya rəhbərlərinin Əbülfəz Elçibəyin adından sui-sitifadə etdiklərini bildirib:

“Mən onların səmimiliyinə qətiyyən inanmıram. Onlarda səmimilik olsaydı, Elçibəyi güdaza verməz, onu zəhərləyib öldürməzdilər. Onlar hər zaman onun-bunun kölgəsində yatan, qabiliyyətsiz, bacarıqsız adamlardır. İndi rəhmətliyi qoymurlar, o dünyada dinc yatsın. Mən Kərimov Əlinin, Qəmbərov İsanın heç bir səmimiyyətinə inanmıram. Onların danışdıqları hər şey yalandır. Əgər müxalifət olsaydılar, bu 30 ildə nəsə edərdilər".

MMP sədri qeyd edib ki, bu adamlar mərhum Elçibəyin nüfuzundan istifadə edərək, onun adına nəsə yaradırlar ki, kimlərdənsə pul qoparsınlar:

"Bunlar hamıya kələk gələn adamlardır. Heç onlardan danışmağa dəyməz, ölüblər, adlarını çəkib yada salmağa ehtiyac yoxdur”. /Yenicag.az/

Versus.Az