"Təkrar seçkilərə o zaman qatılacağıq ki..."

14:18 18-01-2022 | 407 | Siyasət

Könül İsmayılova: "Demokratik seçki mühiti, proporsional seçki sisteminin bərpası vacib şərtdir"

Son vaxtlar bu il referendumun və ardınca da Milli Məclisə boş qalan deputat yerlərinə təkrar seçkilərin keçirilməsi məsələsi geniş müzakirə olunmaqdadır.

Versus.Az xəbər verir ki, məsələyə Müasir Müsavat Partiyasından (MMP) da münasibət bildirilib.

Belə ki, MMP-nin sədr müavini Könül İsmayılova şəxsi "facebook" hesabında bildirib ki, Müasir Müsavat Partiyası da təkrar seçkilərdə iştirak etməkdə maraqlıdır. Ancaq bunun üçün partiyanın öz şərtləri var:

“2020-ci ildə keçirilən parlament seçkilərində partiyamız beş namizədlə iştirak etdi. Lakin təəssüflər olsun ki, çox haqsızlıqlar, müdaxilələr gördük. Sonda 30 il parlament kreslosunu zəbt edənlər, yenidən təyin edildilər".

K.İsmayılova boş qalmış dairələrdə yenidən seçki keçirələcəyini Mərkəzi Seçki Komissiyası (MSK) sədrindən eşitdiklərini vurğulayıb:

"Biz ölkədə demokratik seçki mühitinin olmasını, proporsional seçki sisteminin bərpasını, əhali sayına görə millət vəkillərinin sayının da artımını gözləyirik. Yalnız o zaman parlament seçkilərində iştirak etmək istiyərik”.

SEVDA
Versus.Az