Yerində inşa ediləcək yol nə zaman istifadəyə veriləcək?

Cavanşir körpüsü artıq tarixə qovuşub. İndi hər kəsi maraqlandıran suallardan biri körpünün yerində inşa ediləcək yolun nə zaman istifadəyə verilməsidir.

Bəs hazırda həmin ərazidə işlər hansı mərhələdədir? Ora üçün konkret layihə varmı və həmin layihədə nələr nəzərdə tutulub?

Versus.Az xəbər verir ki, ərazidə bir tərəfdə yol yatağı hazırlanır, digər tərəfdə isə ehtiyat elektrik naqillərinin keçirilməsi üçün borular çəkilir.

Demək olar ki, artıq körpünün bütün tullantıları daşınıb və təmizlik işləri davam edir.

Bütün işlər ətrafda olan yaşıllığa zərər vermədən aparılır. Burada bir neçə metrlik ərazidə birqat yol yatağının inşası yekunlaşıb. Asfaltlanma üçün hazırlıqlar gedir.

Məlumata görə, hazırda ərazidə infrastrukturun qurulması üçün bir neçə layihə təqdim edilib. Onlardan ən optimalı bu yaxınlarda qəbul edilib və işlər həmin layihəyə uyğun aparılır.

Burada yaşıl zonanın, həmçinin bulvar istiqamətində də rahat hərəkət üçün əlavə keçidlərin olması nəzərdə tutulur. Bütün işlərin növbəti 3 ay ərzində yekunlaşdırılması hədəflənir.

Ətraflı “Xəzər Xəbər”in süjetində: