Vətəndaşların müraciətləri millət vəkili tərəfindən nəzarətə götürülüb

12 saylı Qaradağ-Binəqədi-Yasamal seçki dairəsi üzrə deputat Səbinə Xasayeva Qaradağ rayonunun Lökbatan qəsəbəsində karantin qaydaları və sanitar-gigiyenik normalara uyğun olaraq bir qrup vətəndaşı fərdi qaydada qəbul edib, onların problemlərini dinləyib.

Versus.Az xəbər verir ki, görüş zamanı sakinlər bir çox problemlərlə bağlı deputatı məlumatlandıraraq, həlli üçün kömək etməsini xahiş ediblər.

Vətəndaşlardan Elmira Məmmədova, Cəmilə Yaqubova, Ülkər İsmayılova, Gülsaba Məsimova, Elşən Qafarov, Ülvi Qurbanov, Zaur Bağırov, Asəf İbrahimov, Vidadi Heydərov, İbrahim Məhərrəmov, Etibar Hacıyev, Mirxəlil Əhmədov,Vaqif Səmədov, Arif Zeqirbekov və Pərviz Cəbrayılov qəsəbədə istilik təchizatının yaxşılaşdırılması istiqamətində işlərin davam etdirilməsinin vacibliyini qeyd ediblər. Eyni zamanda, Lökbatan qəsəbəsi, İ.Nəbiyev 1 saylı yaşayış binasının yanında yeni qazanxananın tikintisinin, qazlaşdırılmasının, B.Niftəliyev 1, 5, 7, 9, 11, 13, 17, 19, 21, 23, 25, 27, 29, 29a, 1595-ci keçid 9, 11, 13, 15 saylı yaşayış binalarının məhəllədaxili və aşağı paylama istilik sisteminin yenidən qurulmasının, yeni iş yerlərinin açılmasının, yaşayış məhəllələrində dezinfeksiya işlərinin aparılmasının, əsas yolların təmirinin başa çatdırılmasının, məhəllədaxili yolların asfaltlaşdırılmasının, işıqlandırılmasının, əhaliyə verilən içməli suyun keyfiyyətinin yaxşılaşdırılmasının, su borularının təmizlənməsinin, suyun və qazın təzyiqinin artırılmasının, əhalinin asudə vaxtının səmərəli keçirilməsi üçün yeni parkların salınmasının və mövcud parkların yenidən qurulmasının, aztəminatlı ailələrə və işsizliyə görə müavinətlərin verilməsinin, əhalinin sosial təminatının və digər məsələlərin vacibliyini xüsusi qeyd ediblər.

Müvafiq qurumlara təqdim etmək məqsədilə vətəndaşların müraciətləri millət vəkili Səbinə xanım Xasayeva tərəfindən nəzarətə götürülüb.

Qeyd edək ki, seçicilərlə mütəmadi olaraq görüşlərin keçirilməsi və  onların qəbul edilməsi deputat Səbinə Xasayevanın əsas fəaliyyət istiqamətlərindən biridir.

PƏRİ
Versus.Az