"Bu cür hadisələrin hələ də baş verməsinin səbəbi..."

"Xəstə olduğum müddətdə imkan olduqca siyasətdə baş verənləri, Azərbaycan xalqı üçün önəmli olan hadisələri izləyirdim. Çətin vəziyyət yaranıb, təəssüflər olsun ki, yenə şəhid vermişik və yaralı hərbçilərimiz var. Görülən ciddi tədbirlərə rəğmən bu cür hadisələrin hələ də baş verməsinin səbəbi düşmənin öz murdar niyyətlərindən əl çəkməməsidir".

Versus.Az xəbər verir ki, bunu açıqlamasında Müasir Müsavat Partiyasının (MMP) sədri Hafiz Hacıyev deyib.

Partiya sədri bildirib ki, növbəti dəfə şəhid verməyimiz bizi daha ayıq-sayıq olmağa vadar edir:

"İstənilən halda, erməni təxribatlarının davamlılığını nəzərə alaraq tədbirləri əldən verməməliyik. Doğrudan da qalib xalq kimi firavan yaşamaq üçün xalq-dövlət birliyi önəmlidir".

Bir müddət əvvəl koronavirusa yoluxmuş H.Hacıyev, həmçinin səhhəti barədə də məlumat verib. O, hazırda özünü yaxşı hiss etdiyini vurğulayıb:

"Evdə müalicə alıram. Süni tənəffüs aparatından daha istifadə etmirəm. Getdikcə yaxşılaşıram". /Pravda.az/

Versus.Az