"Seçkilərdə iştirakın tərəfdarıyıq, elan olunsun, dəyərləndirəcəyik"

Müxalifətin 2022-ci il hədəfləri nədir? Fəaliyyətində hansı yeniliklər edəcək? Mitinq etmək, piket keçirmək kimi planları varmı? 2022-ci ildə referendumun və ardınca da Milli Məclisə boş qalan deputat yerlərinə təkrar seçkilərin keçiriləcəyinə inanırlarmı?

Versus.Az xəbər verir ki, Azərbaycan Liberal Demokrt Partiyasının (ALDP) sədri Fuad Əliyev seçkilərdən danışdı.

Bildirdi ki, yeni ildə partiyanın fəaliyyətində yeniliklər olacaq:

"Qarabağ problemi, işğalda olan torpaqlarımız azad olduğuna görə biz daha çox təşkilati məsələlərə üstünlük verəcəyik. Partiyanın yerli təşkilatlarının fəaliyyətlərini gücləndirəcəyik. 2022-ci ildə partiyanın növbəti qurultayının keçirilməsi nəzərdə tutulub. Bununla bağlı yanvar ayından başlayaraq hazırlıq işlərinə start veriləcək".

O ki, qaldı boş qalan deputat yerlərinə təkrar seçkilərdə ALDP-nin də iştrak edib-etməyəcəyinə, Fuad Əliyev vurğulayıb ki, seçkilər elan edilən zaman qərar verəcək:

"Əslində biz seçkilərdə iştirakın tərəfdarıyıq. Elan olunsun, biz də onu dəyərləndirəcəyik”.

SEVDA
Versus.Az