Xocalı soyqırımının 27-ci ildönümü Kiyevdə

13:21 25-02-2019 | icon 446 | Cəmiyyət
Xocalı soyqırımının 27-ci ildönümü Kiyevdə

Azərbaycanın Ukraynadakı Səfirliyinin təşəbbüsü ilə Xocalı soyqırımının 27-ci ildönümü ilə bağlı Taras Şevçenko adına Kiyev Milli Universitetinin (KMU) Beynəlxalq Münasibətlər İnstitutunda “Silahlı münaqişələrdə dinc əhalinin müdafiəsi” mövzusunda elmi konfrans keçirilib.

 

Versus.Az xəbər verir ki, elmi konfransda xarici ölkələrin Ukraynadakı səfirləri, beynəlxalq təşkilatların nümayəndələri, ictimai-siyasi xadimlər, KİV nümayəndələri iştirak ediblər.

 

Azərbaycanın Ukraynadakı səfiri Azər Xudiyev Xocalı soyqırımı haqqında məlumat verərək Ermənistanın bölgədə apardığı təcavüzkar siyasətin nəticəsi olaraq 30 ilə yaxındır ki, Cənubi Qafqazda silahlı münaqişə və qanlı toqquşmaların davam etdiyini bildirib. Beynəlxalq təşkilatların, o cümlədən BMT və ATƏT-in bütün səylərinə baxmayaraq, hələ də Ermənistan işğal etdiyi torpaqlardan geri çəkilmək istəmir. Ona görə də bölgədə hər an yeni silahlı toqquşmalar və qanlı müharibələr başlaya bilər ki, bu da yeni-yeni insan fəlakətlərinə səbəb olar.

 

Ermənistan silahlı birləşmələri və separatçı qüvvələrin törtədiyi cinayətlər barədə danışan Azərbaycan Hərbi Prokurorluğunun xüsusi istintaq şöbəsinin rəisi Emil Tağıyev çıxışında vurğulayıb ki, bu regionda ermənilərin sayının süni artırılması XX yüzilliyin əvvəlində erməni ifrat millətçiləri tərəfindən azərbaycanlıların talanlarına çevrilib. Bu dövrdə erməni şovinistləri “Daşnaksütyun” partiyasının proqramında irəli sürülmüş “böyük Ermənistan” ideyasını rəhbər tutaraq, azərbaycanlıların öz əzəli torpaqlarından qovulmasına yönələn etnik təmizləmə və soyqırımı siyasətini həyata keçirməyə başlayıblar.

 

Sonra tədbirdə çıxış edən Taras Şevçenko adına Kiyev Milli Universitetinin (KMU) Beynəlxalq Münasibətlər İnstitutun direktoru Valeri Kopeyka, Ukrayna hərbi prokurorluğun nümayəndəsi Anton Ruban, Xocalı hadisələrinin canlı şahidi, pilot Leonid Kravets və institutun professor, müəllim heyəti insanlığa və bəşəriyyətə qarşı cinayətlərin törədilməməsi üçün dünya birliyinin daha effektli fəaliyyətinin vacibliyini vurğulayıblar.

Xəbər lenti

InvestAZ

Ən çox oxunan xəbərlər

Əfəndilər, Yardımlı da Azərbaycandır

Röyanın Moskva konserti təxirə salındı - SƏBƏB?

Moskvadakı dəhşətli terrorda ölənlərin sayı 150-yə çatıb

Rusiyada teraktda yaralananların durumu açıqlanıb

Ayılar üçün maraqlı əyləncə

Artritə səbəb olan 5 mühüm SƏHV

İdmançımız Almaniyada keçirilən turnirdə ikinci qızıl medalını qazanıb

Tarixçidən maraqlı faktlar

Gündə 1 dəqiqə cəfəri çeynəyin

Şəfalı olduğu düşünülən bu bitkilər böyrəkləri çürüdür

Gimnastlarımız Dünya Kubokunda finala yüksəliblər

İtlər hətta simvolları da anlayırlar

Ən sürətli qol

Dəri problemlərindən mərciməklə xilas olun

Bu iki ədviyyatı birgə istifadə edin