Ailə bugün dünənki formatla yürüməz

10:44 12-10-2019 | icon 1166 | Köşə
Ailə bugün dünənki formatla yürüməz

"20-ni keçib, evdə qalar" fikriylə qurulan "ailə"

ÜLVİYYƏ ABIŞOVA

 

Bugünün özəlliyindən başqa, gündəm olaraq da aktualdı son günlər qadın-qız haqqları. Arzular eynilə qalır, daha güclü, daha geniş. Nadanlıq üzündən ölməsin qızlar, əclaflar əlində ölməsin qızlar, valideynlərin başıpozuqluğundan ölməsin qadınlar-qızlar.

 

Gəlin paltarında qızlarını yola salanda hər kəsin eşidəcəyi səslə, qızınızın da rahatlayacağı şəkildə arxasında HƏR BİR HALDA istənilən problemlə müraciət edə biləcəyi valideynlərinin olmasını bildirin. Qızlar əşya deyillər kiməsə əmanət edəsiniz.

 

Bərabər yaşamağı öyrədin qızlara-oğlanlara, bu yaşamda hər bir tərəfin haqqı, hüququ, öhdəliyi olduğunu anladın, kimsə kimsədən üstün deyil.

Bu bərabər yaşayış könüllü olmalı, zindana çevirməyin ər evini qızlara. "20-ni keçib, evdə qalar" fikriylə yalançı "ailə" qurdurmayın qızlarınıza. Oğlanlarınıza SİZİN parametrlərinizə uyur deyə "qohum-qonşu" qızını almayın. Bu işdə ilk başda "kafalar uymalı"...

 

Ailə bugün dünənki formatla yürüməz, əziz valideynlər, bunu da anlayaq. Dünənin standartını bugün uşaqlara "sırımağa" çalışmayın, ailənin məsuliyyətli bir anlayış olduğunu, dəyər olduğunu, bu dəyəri qoruyub saxlaya biləcəklərinə, yeri gəldi biri-birinə güzəştə getməyi bacaracaqlarına, hər xırda məsələni nəsildaxili problemə çevirib ortaya tökməklə həll etməməyi anladıqlarında, seçdikləri adamla yaşamaq istəyirlərsə, sevgidən də öncə qarşındakının sənin üçün dəyərli, hörmət edəcəyin, uğrunda bəzən nələrdənsə vaz keçəcəyin biri olduğuna əmin olduqları halda evlənə biləcəklərini anlamaqlarına zaman verin.

Ailə məsuliyyətini dərk edirlərsə, porblem olduqda sivil şəkildə - istər bərabər yaşamağa davam etmək, istər boşanmaya gedəcək qədər - həll edə biləcəklərinə inandıqlarında ailə qursunlar.

 

P.S Hə, bir də. Ən önəmlisi - ailə üzvünüzə bəzən yad olun, yad olun ki, yada hörmət etdiyiniz qədər heç olmasa hörmət edəsiniz... və NİDA!

Xəbər lenti

InvestAZ

Ən çox oxunan xəbərlər

Regionda yeni cəbhə AÇILIR?

"YENİ XƏTT"dən mitinq çağırışlarına qarşı BƏYANAT

Tibb elminə həsr olunmuş ömür...

Vətəndaşları işə düzəltmə adı ilə necə aldadırlar?

Ölümün qorxduğu cərrah - Mübariz Əliyev - 65

Böyük alim, sədaqətli ömür gün yoldaşı, qayğıkeş ana...

Ermənistanın buqələmun siyasəti

Xalq artistlərinin möhtəşəm gecəsi

DREAM Fest 2024-ə 100 gün qaldı

Radikalların QRANT SAVAŞI BAŞLAYIR

“İran-İsrail arasındakı müharibə hər an şiddətlənə bilər”

Nura Surinin “Dünyaya qəribəm” klipi

“Həmkarlar”ın üzvü deyilsənsə, heç kim hüquqlarını müdafiə etməyəcək”

İncəsənətimizin RAMİZİ…

Məişət zorakılığından zərər çəkmiş şəxslərlə bağlı