Qarabağdan deputatlığa namizədlərə MƏKTUB

05:12 09-02-2020 | icon 912 | Qarabağ
Qarabağdan deputatlığa namizədlərə MƏKTUB

Axşamınız  xeyir!

Bilirəm, “axşamınız xeyir”, sözüylə məktub yazılmır. Amma neyniyim, burda günün 24 saatı qaranlıqdır; 30 ildir, Günəş yoxdur!

 

Hərdən elə bilirəm, bütün dünya qaranlıqdı, elə Sizin də mənsiz Günəşiniz yoxdu. Yanılmıram ki...

Amma yox, arada yanıldığımı da bilirəm.

 

Mən, QARABAĞAM! Yəqin, xatırladınız:  ata-babalarınızın qəbirləri viran olan, ulularınızın ruhları əzilən, qız-gəlinlərinizin namusu çöllərə tökülən, dədələrinizin, nənələrinizin xiffətimdən ürəyi partlayan, izinizin silindiyi XARABA, YAZIQ  bir diyar...

 

Yox, deyəsən, yadınıza düşmədim, - ermənilərin girov götürdüyü Dilqəm, Şahbaz mənə görə hər an işgəncə yaşayırlar, - həmin QARABAĞAM!

 

Bilirəm, başınız daha vacib işlərə qarışıb, deputat olmaq istəyirsiniz. Özünüzü seçicilərə tanıtmaq üçün o ziyarət etdiyiniz Şəhid anaları, Şəhid övladları, Şəhid xanımları var e...

 

...Onlar mənə görə gözüyaşlı qalıblar. Utanıram, onlara görə, günahkaram onların yanında...

 

Çox uzatmayım. Onsuz da elə  vaxtdır ki, kimsə kimsənin kitabını oxumur. Mənim bu məktubum guya kimə lazımdır ki?!

 

Nə edim, yazıram da... Oxuyan da sağ olsun, oxumayan da! 

 

İndi Sizin üçün deputat mandatı Qarabağdan min dəfə rənglidi, çəkicidi, dadlıdı, maraqlıdı, vacibdi. Bunu hamı bilir! Elə Siz də, mən də...

 

Mətləbə keçim.

Təbliğatınız dövründə Sizi çox güclü gördüm. Mandat üçün dost-dosta, qohum-qohuma, kişi xanıma rəqib oldu. Normal qarşıladım.

 

Mandat üçün dost-dosta, qohum-qohuma, kişi xanıma düşmən oldu. Onu da normal qarşıladım.

 

 

Mən QARABAĞAM! 

Kaş ki, mənim üçün də bu qədər mücadilə edərdiniz! Daha bir 30 il də məni Sizsiz qoymayın. Yoxsa, Sizin olmayacağam. Heç istəsəm də ola bilməyəcəyəm. Tələsin!

 

Ata-babalarınızın qəbirləri viran olan yerlərdə düşmən qəbirləri dikəlir, ulularınızın ruhları əzilən yerdə düşmən ruhları gəzir, qız-gəlinlərinizin namusu çöllərə tökülən yerlərdə düşmən qız-gəlinləri toy-bayram edir, dədələrinizin, nənələrinizin xiffətindən ürəyi partlayan yerlərdə düşmən dədə-nənələri aborigenlik edir, izinizin silindiyi yerdə düşmən izi göyərir, XARABA, YAZIQ  bir diyar düşmən üçün laləzara çevrilir.

 

Fərqindəsinizmi?

Daha bir 30 il də məni Sizsiz qoymayın! Yoxsa Siz də, Sizdən gələcək nəsillər də mənə həsrət qalacaq.

 

Mən QARABAĞAM... Xatırladınız?!

Yoxsa, xatırladım: Danışmağa mövzu, deməyə söz olmayanda bəhs etdiyiniz Qarabağ...

 

Ən nəhayət!

Qarabağsız deputat mandatı, yoxsa Qarabağlı sıravi AZƏRBAYCANLI!

 

MÜCADİLƏNİZ MÜBARƏK!

 

İmza: QARABAĞ!  /modern.az/

 

Versus.Az

Xəbər lenti

Nailə Mirməmmədli BDU-da vəzifəyə təyin olunub

Elmi Şurasının qərarı ilə yeni yaradılan Mədəniyyət-yaradıcılıq Mərkəzinə...

Bakıda 2-ci İtaliya-Azərbaycan Beynəlxalq Film Festivalı keçiriləcək

Minik maşını "KamAZ"la toqquşub, ölən və yaralananlar var

“Bunun nəticəsində хəstəni şikəst еdən zədələr baş vеrir”

Uşaqlara siqaret satan satıcılar cərimələnib

“Xocalı üçün paylaş” Beynəlxalq Sosial Media Kampaniyası başlayır - İstanbulda virtual müharibə

BSU-nun rektoru, professor Nurlana Əliyevanın “Qüdrətli Azərbaycan naminə” adlı yeni kitabı nəşr olunub

 BSU-da üçtərəfli əməkdaşlıq haqqında müqavilə imzalanıb

MSK 29 saylı Səbail Seçki Dairəsi ilə bağlı qərar verib

Azərbaycan Ombudsmanı bəyanat yayıb

9 saylı Binəqədi İkinci Seçki Dairəsinin iki məntəqəsində səsvermənin nəticələri ləğv edilib

Daha üç seçki məntəqəsinin nəticələri ləğv edilib

MSK daha bir Seçki Dairəsi üzrə müraciətləri DSK-ya göndərib

Prezident İlham Əliyevin Paşinyana “Münhen silləsi” …

Məcburi köçkünlərin məskunlaşdığı yataqxanada yanğın olub

Ləman Ələşrəfqızı və Afət Telmanqızına işlərinə qayıtmaq təklif olunub

İrəli
InvestAZ

Ən çox oxunan xəbərlər

30 saylı Suraxanı birinci Seçki Dairəsindən deputatlığa qeydə alınmış namizədləri BƏYANAT yaydı

İrəvanda Xocalı soyqırımı ilə bağlı sorğu - Türk bloqqer Ermənistanda+Video

Bu, düz bağırsaq xərçənginin əlaməti də ola bilər

Ermənilər Laçın və Kəlbəcərdə 27 ev, yeni məktəb binası tikir - FOTO

Bu Milli Məclisdə 9 partiya təmsil olunacaq - SİYAHI

Futboldakı problemləri açıb tökdü

Atəşkəs rejimi 22 dəfə pozulub

Prezident İlham Əliyev Avropa çempionatında uğur qazanan güləşçilərimizi təbrik edib

Sabahın hava proqnozu

Milli Məclisə yeni sədr seçiləcək

Ermənilər Xocalıda at oynadır

Mehriban Əliyeva güləşçilərimizi təbrik etdi 

"Millimizin yeni baş məşqçisi əcnəbi olacaq"

Sevgi romanı" bədii filminin qala gecəsi keçirildi

Yerevandan Xocalı aeroportu ilə bağlı AÇIQLAMA: