Parisdə Xocalı faciəsinin anım mərasimi

11:09 22-02-2020 | icon 265 | Qarabağ
Parisdə Xocalı faciəsinin anım mərasimi

Fransanın paytaxtı Parisdə Xocalı soyqırımının 28-ci ildönümünə həsr olunmuş anım mərasimi keçirilib.

 

Versus.Az xəbər verir ki, "Xocalıya ədalət" beynəlxalq kampaniyası çərçivəsində Azərbaycanın Fransadakı səfirliyi və İslam Əməkdaşlığı Gənclər Forumunun (İƏGF) birgə təşkil etdiyi anım mərasimində Türkiyənin Fransadakı səfiri İsmayıl Haqqı Musa, Qazaxıstanın Fransadakı səfiri Jan Qaliev, bu ölkədə fəaliyyət göstərən diplomatik korpusun digər nümayəndələri, fransalı siyasətçilər, elm adamları, jurnalistlər və digər şəxslər iştirak ediblər.

 

Azərbaycan Respublikasının Fransadakı səfirliyinin müşaviri Vaqif Ağayev Xocalı soyqırımının tarix boyu ermənilər tərəfindən xalqımıza qarşı düşünülmüş və məqsədli şəkildə həyata keçirilən etnik təmizləmə, soydaşlarımızın doğma torpaqlarından deportasiya edilməsi və həmvətənlərimizə qarşı genosid siyasətinin davamı olduğunu bildirib. Diplomat Xocalı soyqırımı haqqında qonaqlara dolğun məlumat verib. O, ulu öndər Heydər Əliyev tərəfindən Dağlıq Qarabağda azərbaycanlılara qarşı ermənilər tərəfindən törədilmiş Xocalı qətliamına siyasi qiymətin verildiyini bildirib.

 

 

İslam Əməkdaşlığı Gənclər Forumunun (İƏGF) Prezidenti Taha Ayhan təşkilatın baş əlaqələndiricisi, Heydər Əliyev Fondunun vitse-prezidenti Leyla Əliyevanın təşəbbüsü ilə 8 may 2008-ci ildə start verilmiş "Xocalıya ədalət" beynəlxalq kampaniyası və rəhbəri olduğu təşkilatın kampaniyaya dəstəyi, bu istiqamətdə görülən işlər haqqında tədbir iştirakçılarına ətraflı məlumat verib.

 

 

Məcburi köçkün həyatının ağrılarını yaşamış Paris Azərbaycan Evinin rəhbəri Mirvari Fətəliyeva tədbir iştirakçılarına o anların dəhşətləri və məcburi köçkün həyatının acıları barədə danışıb.

 

 

Tədbirdə Xocalı soyqırımına həsr edilmiş sənədli film nümayiş etdirilib. Filmdə Xocalı soyqırımının baş verdiyi gecə ölümdən xilas ola bilən məcburi köçkünlər fevralın 25-dən 26-a keçən gecə yaşadıqları və gördükləri dəhşətləri nəql edirlər.

 

 

Tədbir iştirakçıları Xocalı soyqırımına həsr edilmiş rəsm əsərləri ilə də tanış olub. İştirakçılar bəşər tarixinin ən böyük faciələrindən olan Xocalı soyqırımı haqqında bir daha incəsənətin dili, fırçanın gücü ilə məlumatlandırılıblar

Xəbər lenti

InvestAZ

Ən çox oxunan xəbərlər

“Azərbaycanın beynəlxalq aləmdə dostlarının sayı artmaqda davam edir”

Qardaş ölkə və strateji tərəfdaş

Xarici kəşfiyyat orqanlarının şəbəkələri AKTİVLƏŞİB

“Azərbaycana qarşı qərəzli mövqeləri ilə Ermənistanı şirnikləndirmək istəyirlər”

“Makronda beynəlxalq hüququ dəstəkləyən siyasi şüur yetərli deyil”

“Müqavilənin vaxtı bitib” adı altında işdən azad olunanlar...

"Həmən 80 manat cərimələmək doğru yanaşma deyil"

"Laçınsız günlər" xatirə gündəlikdən - 1988-ci ilin noyabr ayı

Prezidentin XI Qlobal Bakı Forumunu əhəmiyyətli edən çıxışı

MMP Parlament partiyası ola bilər

MDU və AHBVÜ-nün təşkilatçılığı ilə 5-ci beynəlxalq elmi konfrans keçiriləcək

“Koroğlu”dakı Nəqliyyat Mübadilə Mərkəzi söküləcək?

Rusiya Fransanı ciddi qəbul etmir?

Fransanın başqa dövlətlərdə gərginlik yaratmaq SSENARİSİ

Ramazan ayının dördüncü gününün imsak, iftar və namaz vaxtları