Kəsiri olan tələbələrin təqaüdləri ilə bağlı yayılan məlumata aydınlıq gətirildi

13:10 13-03-2020 | icon 787 | Təhsil
Kəsiri olan tələbələrin təqaüdləri ilə bağlı yayılan məlumata aydınlıq gətirildi

Təhsil Nazirliyi son günlər kəsiri olan tələbələrə təqaüd verilməyəcəyi məsələsinə aydınlıq gətirib.

 

Versus.Az xəbər verir ki, Təhsil Nazirliyinin Elm Sektorunun müdiri Əfqan Abdullayev bildirib ki, tələbə təqaüdləri ilə bağlı yayılan məlumatların heç bir əsası yoxdur:

 

"Nazirlər Kabinetinin 4 mart 2020-ci il 78 saylı qərarında göstərilir ki, cari və aralıq qiymətləndirmənin ümumi nəticələrinə, habelə aralıq qiymətləndirmənin nəticəsinə görə, eləcə də üzrsüz səbəbdən imtahanda iştirak etmədiyinə görə akademik borcu yaranmış və akademik borcu yaranan semestrdə imtahan sessiyasından sonra növbəti semestr başlayanadək həmin fənni dinləmədən imtahan verərək və ya yay semestrində dinləyərək müvəffəq qiymət almış tələbə növbəti semestrdə təqaüd almaq hüququ olan tələbələrin siyahısına daxil edilmir. Bu, o deməkdir ki, tələbə semestr ərzində dərsə gəlmirsə, cari qiymətləndirməni almır və imtahana buraxılmır, kəsiri yaranır. 

Aralıq qiymətləndirmə olmur, deməli, imtahanla cari qiymətləndirmə bir yerdə alınmır və üzrsüz səbəbdən imtahanda iştirak etmir. Əgər bu tələbənin heç bir göstəricisi yoxdursa, deməli onun akademik borcu yaranır. Akademik borcu yaranan tələbə isə növbəti semestrdə təqaüd almaq hüququnu itirir və o, təqaüd alan tələbələrin siyahısına daxil edilmir. Ötən ilin mart ayından Prezidentin sərəncamı ilə ödənişli yerlərin sayı artırılıb. Həmçinin təqaüd alan tələbələrin sayı 20 faiz artırılıb. Ancaq son zamanlar yayılan məlumatlara görə, guya tələbələr təqaüddən məhrum edilir”. 

 

Ə.Abdullayev qeyd edib ki, tələbələr təqaüddən məhrum edilmir, təqaüd alan tələbələrin sayı olduğu kimi qalır:

“Sadəcə olaraq göstərilən səbəblərdən kəsirləri yaranan tələbələr təqaüd alan tələbələr siyahısına daxil edilmirlər. Əgər növbəti semestrlərdə onların heç bir akademik borcu olmasa, şübhəsiz ki, həmin tələbələr digərləri kimi təqaüd almaq hüququna malik olacaqlar”.

 

Versus.Az

Xəbər lenti

InvestAZ

Ən çox oxunan xəbərlər

Əfəndilər, Yardımlı da Azərbaycandır

Röyanın Moskva konserti təxirə salındı - SƏBƏB?

Moskvadakı dəhşətli terrorda ölənlərin sayı 150-yə çatıb

Rusiyada teraktda yaralananların durumu açıqlanıb

Ayılar üçün maraqlı əyləncə

Artritə səbəb olan 5 mühüm SƏHV

İdmançımız Almaniyada keçirilən turnirdə ikinci qızıl medalını qazanıb

Tarixçidən maraqlı faktlar

Gündə 1 dəqiqə cəfəri çeynəyin

Şəfalı olduğu düşünülən bu bitkilər böyrəkləri çürüdür

Gimnastlarımız Dünya Kubokunda finala yüksəliblər

İtlər hətta simvolları da anlayırlar

Ən sürətli qol

Dəri problemlərindən mərciməklə xilas olun

Bu iki ədviyyatı birgə istifadə edin