29 apreldə "Oxu günü" keçiriləcək

Koronovirus pandemiyasından dolayı  karantin rejimi elan edildiyi üçün, "Oxu günü" bu il online formada keçiriləcək.

Siz də kitab oxuyaraq  #Oxugünü və #gəlinbirgəoxuyaq həştəqləri ilə kitab festivalına qoşula bilərsiniz.

Versus.az  xəbər verir ki, ideya müəllifi təhsil mühəndisi, dosent Şəmil Sadiq olan "Oxu günü" layihəsi 2015-ci ildən Hədəf Nəşrlərinin təşkilatçılığı ilə həyata keçirilir.

Layihəni həyata keçirməkdə məqsəd mütaliəyə marağı artırmaq, oxu vərdişlərini inkişaf etdirməkdir.

Deməli, ya yazı statusu şəklində, ya da video çəkərək bu günlərdə oxuduğunuz və məsləhət bildiyiniz kitab haqqında təəssüratınızı bölüşürsünüz. Üstəlik, estafeti hansısa kitabsevər dostunuza ötürürsünüz. Paylaşım edərkən qeyd olunan heşteqlərdən istifadə etməyi unutmayın ki, silsilə izlənə bilinsin və kampaniya xarakteri alsın. "Oxu Günü-6"nı bu il onlayn keçirək ki, ənənə itməsin. Ümid edək ki, gələn il yenə açıq hava altında, fləşmoblar şəklində keçirə biləcəyik. Hər kəsə kitablı günlər arzusu ilə #gəlinbirgəoxuyaq!

Versus.az