Dağlıq Qarabağ – Azərbaycandır!

11:07 27-04-2020 | icon 394 | Qarabağ
Dağlıq Qarabağ – Azərbaycandır!

"Müdafiə diplomatiyasından hücum diplomatiyasına keçərək hər kəsə tarixi ədalətin və beynəlxalq hüququn bizim tərəfimizdə olduğunu çatdırmalıyıq!"


Versus.az xəbər verir ki, bunu deputat, Milli Məclisin Beynəlxalq münasibətlər və
parlamentlərarası əlaqələr komitəsinin üzvü Məzahir Əfəndiyev son bir ayda Ermənistan-Azərbaycan Dağlıq Qarabağ münaqişəsinin həlli yönündə Ermənistan tərəfinin saxtakar və dağıdıcı mövqeyi ilə bağlı söyləyib. Deputat bildirib ki, son hadisələr Ermənistan tərəfinin saxtakar və dağıdıcı mövqeyini bir daha isbat olundu.

 

"Söhbət ilk növbədə, qondarma “Dağlıq Qarabağ Respublikası” nda keçirilmiş qondarma “prezident seçkiləri”nə beynəlxalq ictimaiyyətin kəskin reaksiyasından gedir. Belə ki başda ATƏT-in Minsk qrupunun həmsədrləri olmaqla ATƏT Parlament Assambleyası, Avropa İttifaqı və Avropa Parlamenti, Qoşulmama Hərəkatı, Türk Şurası, İslam Əməkdaşlıq Təşkilatı, NATO kimi beynəlxalq təşkilatlar bu “seçkilər”dən sonra bəyanatlar verərək bu “seçkiləri” tanımadıqlarını açıq-aydın şəkildə səsləndirdilər.
Ermənistan tərəfinin digər bir riyakarlığı keçdiyimiz günlərdə Rusiyanın Xarici İşlər naziri Sergey Lavrovun A.M.Qorçakov adına İctimai Diplomatiyaya Dəstək Fondunun nümayəndələri ilə videokonfrans formatında keçirilən dəyirmi masada verdiyi açıqlamaya Ermənistan Xarici İşlər nazirinin cavabında özünü görsətdi.

S. Lavrov öz açıqlamasında BMT Təhlükəsizlik Şurasının münaqişə ilə bağlı qətnamələrinə toxunaraq, Ermənistan-Azərbaycan münaqişəsinin mərhələli həllinə dair planın və təkliflərin fəal şəkildə müzakirə edildiyini qeyd edib və bu yöndə ilk addımın Ermənistan tərəfindən Dağlıq Qarabağ ətrafındakı bəzi rayonların azad edilməsi, nəqliyyat, iqtisadi və digər kommunikasiyaların açılması olduğunu vurğulamışdı.

Bildiyiniz kimi qeyd edilmiş qətnamələrdə Azərbaycan Respublikasının ərazi bütövlüyü və suverenliyi bir daha təsdiq olunmuş, Ermənistan qoşunlarının işğal olunmuş ərazilərdən dərhal, tam və qeyd-şərtsiz çıxarılması tələb edilmişdir. Lakin, S. Lavrovun açıqlamasına cavabında Ermənistanın Xarici İşlər naziri münaqişənin mərhələli həllinə dair açıqlamanı təkzib etmişdir".

M.Əfəndiyev bildirib ki, Ermənistan tərəfinin bu növ dağıdıcı açıqlamaları onların vəziyyətinin nəinki beynəlxaq ictimaiyyət, hətta öz əhalisi qarşısında belə gülünc olduğundan xəbər verir.

"Dünyamızın koronavirus pandemiyası ilə mübarizədə həmrəylik göstərdiyi bir zamanda erməni diplomatiyasının belə qorxaq gedişi onların fürsətçiliyini nümayiş etdirir.
Bu vəziyyət isə bizdən hücum diplomatiyasına tam güc qoymağımızın çağırışını edir, çünki tarixi ədalət və beynəlxalq hüquq bizim tərəfimizdədir. Bu yöndə Cənab Prezident İlham Əliyev dəfələrlə çağırışlar etmiş, özü şəxsən bütün beynəlxalq platformalardan Azərbaycan həqiqətlərini çatdırmışdır. Buna misal kimi, təhlükəsizlik məsələləri ilə bağlı dünyanın bir nömrəli konfransı olan Münxen Təhlükəsizlik Konfransında, “Valday” Beynəlxalq Diskussiya Klubunun XVI illik iclasının plenar sessiyasında Cənab Prezident tərəfindən Ermənistana vurulan sarsıdıcı zərbələri qeyd etmək olar.

Lakin, biz tarixi və hüquqi faktlardan daha geniş istifadə edərək öz qəti mövqeyimizi hər kəsə çatdırmalıyıq. Bu yöndə fəaliyyəti təkcə diplomatlarımızdan və hökümət nümayəndələrindən gözləmək yerinə hər bir vətəndaşımız anlamalı, bu haqq işimizə qoşulmalıdır. Bunu nəzərə alaraq Cənab Prezident altıncı çağırış Azərbaycan Respublikası Milli Məclisinin ilk iclasında çıxışı zamanı xüsusilə bu məsələyə toxunmuş, biz deputatlarında bu yöndə fəal, mübariz və mətin olmağımızın çağırışını etmişdir. Azərbaycan Respublikası Prezidentinin davamlı şəkildə haqqa və ədalətə, beynəlxalq hüquq normalarına əsaslanmış mövqeyi tezliklə Azərbaycanın ərazi bütövlüyünün bərpasını qarşısıalınmaz edir"./Avrasiya.net/


Versus.az

 

Xəbər lenti

InvestAZ

Ən çox oxunan xəbərlər

Laçın şəhərinə getmək istəyənlərə ŞAD XƏBƏR

İqtisadi tarazlıq nə zaman pozulur?

Adı Azərbaycan kino tarixində əbədi yaşayacaq...

Tarixi dostluq və mehriban qonşuluq

Parlament seçkiləri bu tarixdə keçiriləcək

“Qardaş ölkələrlə münasibətlər inkişaf edir”

Parlament seçkisi ilə bağlı daha bir ANONS

COP29-a hazırlığın fəal MƏRHƏLƏSİNDƏ...

RAYS Azərbaycanda piratçılığa qarşı: Hamı ödəməli olacaq!

Xocalıda insan qalıqları AŞKAR EDİLİB

"Quru sərhədinin açılması ilə bağlı məqam hələ yetişməyib"

Elmira Süleymanova dəfn olundu

MDU-da ustad dərsləri

Qərbi Azərbaycan İcmasından ABŞ Dövlət Departamentinə CAVAB

Tanınmış bəstəkara həsr olunmuş KATALOQ