Baş nazir ilk qərarını İMZALADI

15:35 08-06-2020 | icon 608 | Təhsil
Baş nazir ilk qərarını İMZALADI

Naxçıvan Muxtar Respublikasının (MR) Nazirlər Kabineti “Naxçıvan Muxtar Respublikasında pedaqoji fəaliyyətlə məşğul olma Qaydası”nı təsdiq edib.

 

Versus.az xəbər verir ki, bununla bağlı qərarı Muxtar Respublikasının Baş Naziri Səbuhi Məmmədov imzalayıb.

 

Bu Qayda Naxçıvan Muxtar Respublikasında pedaqoji fəaliyyətlə məşğul olma qaydasını müəyyən edir. Bu Qaydanın tələbləri Naxçıvan Muxtar Respublikasının bütün ümumi təhsil müəssisələrinə şamil edilir.

 

Qərarla pedaqoji fəaliyyətlə məşğul olmaq hüququ olan şəxslər müəyyənləşib. Müvafiq ixtisas üzrə pedaqoji təhsilə malik olan şəxslər Naxçıvan Muxtar Respublikasının ümumi təhsil müəssisələrində pedaqoji fəaliyyətlə məşğul olmaq hüququna malikdirlər. Bu Qaydanın 3.2-ci və 3.3-cü bəndlərinin tələbləri nəzərə alınmaqla, müvafiq ixtisas üzrə pedaqoji təhsili olmayan ali təhsilli mütəxəssislərin də pedaqoji fəaliyyətlə məşğul olmaq hüququ vardır.

 

Qanunvericiliyə uyğunolaraq, aşağıdakı şəxslər pedaqoji fəaliyyətlə məşğul ola bilməzlər:

 

- məhkəmənin qanuni qüvvəyə minmiş qərarı ilə pedaqoji fəaliyyətlə məşğul olması qadağan edilən şəxslər;

- ağır, xüsusilə ağır cinayət törətməsinə görə məhkumluğu üstündən götürülməmiş və ya ödənilməmiş şəxslər;

- fəaliyyət qabiliyyətsizliyinə və ya məhdud fəaliyyət qabiliyyətli olmasına, habelə barəsində tibbi xarakterli məcburi tədbirlərin tətbiqinə dair məhkəmənin qanuni qüvvəyə minmiş qərarı olan şəxslər;

- Naxçıvan MuxtarRespublikası Nazirlər Kabinetinin 2019-cu il 4 mart tarixli 24 nömrəli Qərarı ilə təsdiq edilmiş siyahıda göstərilən xəstəliklərə görə pedaqoji fəaliyyətlə məşğul olmasına qadağa qoyulmuş şəxslər.

 

Naxçıvan Muxtar Respublikasının Təhsil Nazirliyinin təsdiq etdiyi “Müəllimlərin etik davranış qaydaları”nı pozduğuna görə əmək müqaviləsinə xitam verilmiş pedaqoji işçi 1 (bir) il müddətində pedaqoji fəaliyyətlə məşğul ola bilməz.

 

Qərarla pedaqoji fəaliyyətlə məşğul olmaq üçün ixtisas tələbləri də müəyyənləşib. Bu Qaydanın 2.1-ci və 2.2-ci bəndlərində göstərilən şəxslər pedaqoji fəaliyyətlə əmək qanunvericiliyinə uyğun olaraq, təhsil sahəsinə aid olan qulluqçu vəzifələrinin Vahid Tarif-İxtisas Sorğu Kitabçası ilə müəyyən edilmiş ixtisas tələblərinə əsasən məşğul ola bilərlər. Pedaqoji təhsilə malik olmayan ali təhsilli mütəxəssislərin yalnız bu Qaydanın əlavəsi ilə müəyyən edilmiş ümumtəhsil fənlərinin tədrisi üzrə ümumi təhsil müəssisələrində pedaqoji fəaliyyətlə məşğul olmaq hüququ vardır.

 

Bu Qaydanın 3.2-ci bəndində göstərilən halda pedaqoji təhsilə malik olmayan ali təhsilli mütəxəssislər baza təhsilindən asılı olaraq pedaqogika, psixologiya və təlim strategiyaları ilə bağlı Naxçıvan MuxtarRespublikasının Təhsil Nazirliyi (bundan sonra - Nazirlik) tərəfindən təşkil olunan müvafiq ödənişsiz təlim kurslarına cəlb olunurlar. Təlim kurslarının keçirilməsi vaxtı, yeri, davametmə müddəti və digər şərtləri Nazirlik tərəfindən müəyyən edilir və bu barədə Nazirliyin rəsmi internet səhifəsində məlumat yerləşdirilir. Təlim kurslarını başa vurmuş şəxslərə forması Nazirlik tərəfindən müəyyən edilən sertifikat verilir.

 

Muxtar respublikanın ucqar kəndlərindəyerləşən dövlət ümumi təhsil müəssisələrində kadr çatışmazlığı olduqda, məzmun və mahiyyət etibarilə uyğun fənlərin (kimya-biologiya, biologiya-kimya, fizika-riyaziyyat, riyaziyyat-fizika, riyaziyyat-informatika, informatika-riyaziyyat, tarix-coğrafiya, coğrafiya-tarix) müvafiq fənn müəllimi tərəfindən tədrisinə Nazirliyi məlumatlandırmaqla, təhsil müəssisələri tərəfindən yol verilir.

 

Pedaqoji fəaliyyətlə məşğul olmaq hüquqi olan şəxslərin dövlət ümumi təhsil müəssisələrinə qəbulu Nazirlik ilə birlikdə Komissiya tərəfindən keçirilən müəllimlərin işə qəbulu müsabiqəsinin nəticələrinə əsasən aparılır. 

 

Qeyd edək ki, Səbuhi Məmmədovun mayın 23-də Naxçıvan MR-nin Baş naziri vəzifəsinə təyin edilib. Bu qərar onun Naxçıvan MR-nin Baş naziri kimi imzaladığı ilk qərarıdır.

 

Ali təhsilin bakalavriat səviyyəsi ixtisaslarının (proqramlarının) ümumi təhsil pilləsində tədris olunan fənlərə uyğunluğu aşağıdakı kimidir:

 

S/№

 

Təsnifat üzrə ixtisasların (proqramların) şifri və adı

İxtisasın uyğun gəldiyi ümumtəhsil fənni

1

 

2

3

   

Humanitar və sosial ixtisaslar qrupu

 

1.

050201

Filologiya (dil və ədəbiyyat göstərilməklə)

dil və ədəbiyyat

2.

050206

Tarix

tarix

   

Mədəniyyət və incəsənət ixtisaslar qrupu

 

3.

050303

İnstrumental ifaçılıq

musiqi

4.

050304

Solo oxuma

musiqi

5.

050305

Dirijorluq

musiqi

6.

050306

Bəstəkarlıq

musiqi

7.

050307

Musiqişünaslıq

musiqi

8.

050309

Estrada sənəti

musiqi

9.

050310

Xalq çalğı alətləri ifaçılığı

musiqi

10.

050312

Dekorativ sənət

təsviri incəsənət

11.

050318

Rəngkarlıq

təsviri incəsənət

12.

050319

Qrafika

təsviri incəsənət

13.

050321

Dizayn

təsviri incəsənət

   

Təbiət ixtisasları qrupu

 

14.

050501

Riyaziyyat

riyaziyyat

15.

050502

Mexanika

fizika, riyaziyyat

16.

050503

Fizika

fizika

17.

050504

Kimya

kimya

18.

050505

Biologiya

biologiya

19.

050506

Coğrafiya

coğrafiya

20.

050509

Kompüter elmləri

informatika

   

Texniki və texnoloji ixtisaslar qrupu

 

21.

050627

Elektronika, telekommunikasiya və radiotexnika mühəndisliyi

informatika

22.

050631

Kompüter mühəndisliyi

informatika

23.

050633

Memarlıq

təsviri incəsənət

24.

050641

Kimya mühəndisliyi

kimya

25.

050655

İnformasiya texnologiyaları

informatika

26.

050656

Sistem mühəndisliyi

informatika

   

Səhiyyə, rifah və xidmət ixtisasları qrupu

 

27.

050809

Bədən tərbiyəsi və idman

fiziki tərbiyə

28.

050814

Məşqçi (idman növü üzrə)

fiziki tərbiyə

29.

050815

Bədən tərbiyəsi və idmanda reabilitasiya

fiziki tərbiyə

Xəbər lenti

InvestAZ

Ən çox oxunan xəbərlər

Əfəndilər, Yardımlı da Azərbaycandır

Röyanın Moskva konserti təxirə salındı - SƏBƏB?

Moskvadakı dəhşətli terrorda ölənlərin sayı 150-yə çatıb

Rusiyada teraktda yaralananların durumu açıqlanıb

Ayılar üçün maraqlı əyləncə

Artritə səbəb olan 5 mühüm SƏHV

İdmançımız Almaniyada keçirilən turnirdə ikinci qızıl medalını qazanıb

Tarixçidən maraqlı faktlar

İtlər hətta simvolları da anlayırlar

Gündə 1 dəqiqə cəfəri çeynəyin

Şəfalı olduğu düşünülən bu bitkilər böyrəkləri çürüdür

Gimnastlarımız Dünya Kubokunda finala yüksəliblər

Dəri problemlərindən mərciməklə xilas olun

Bu iki ədviyyatı birgə istifadə edin

Ən sürətli qol