Bizim "üçlüy"ümüz...

18:47 29-07-2020 | icon 2336 | Köşə
Bizim "üçlüy"ümüz...

Kifayət qədər effektiv, uğurlu olacağına əminəm

BƏYBALA MİRZƏYEV

 

Afərin! 
Keçmiş sovet və sosialist respublikalarından üçü - Ukrayna, Litva və Polşa Çoxmillətli hərbi briqada çərçivəsində "Lyublin üçlüyü" adlı ittifaqın yaradılması təşəbbüsü ilə çıxış ediblər. Bu barədə Ukraynanın və Litvanın Xarici İşlər nazirləri Dmitri Kuleba və Linas Linkyaviçus bildiriblər.

 

Onlar Polşalı həmkarları ilə birlikdə Lyublin şəhərində apardıqları danışıqlar nəticəsində belə bir qərara gəliblər.

 

Nazirlərin birgə keçirdikləri mətbuat konfransında verdikləri bəyanatlardan belə məlum olub ki, yaradılan bu yeni hərbi-siyasi ittifaq Qərblə və ümumAvropa strukturları ilə daha çıx əlaqələrə ehtiyac duyan ölkələrin bir araya gətirilməsi üçün bir vasitədir, mexanizmdir.

 

Polşa, Litva və Ukrayna strateqləri belə bir ittifaq və ya hərbi blok ideyasını çox yaxşı düşünüblər. Tam zamanında düşünüblər. Çünki Rusiya tərəfindən bu ölkələrin suverenliyi üçün potensial təhlükə gün-gündən artır. Rusiyanın mümkün aqressiyasının qarşısının alınması üçün mütləq belə bir blok yaradılmalıdır. Bu zəruri tədbirdir, önləyici addımdır.

 

Dostlarımızın (yuxarıda adı keçən ölkələrin hər üçü ilə Azərbaycanın dost münasibətləri var) bu təşəbbüsü bizim üçün də faydalı və aktualdır. Biz onların bu təcrübəsindən hökmən yararlanmalıyıq.

 

Bizim belə bir bloka onlardan daha çox ehtiyacımız var. Çünki onları yalnız Rusiyadan gələn təhdidlər narahat edirsə, Azərbaycan üçün Rusiyadan başqa Ermənistan və İran da potensial təhdid mənbəyidir. Odur ki, özümüzü mümkün hərbi müdaxilələrdən və yeni işğallardan qorumağımız üçün güvənə biləcəyimiz ölkələrdən bir neçəsi ilə tezliklə blok yaratmalı, pakt bağlamalıyıq.

 

Bu ölkələr isə ilk növbədə Türkiyə və Pakistan ola bilər. Bizim bu "üçlüy"müzün kifayət qədər effektiv, uğurlu olacağına əminəm. Azərbaycanın Türkiyə və Pakistanla birgə gücü istənilən potensial təhlükəni neytrallaşdırmağa qadirdir.

 

Bu barədə dərindən düşünək.

Xəbər lenti

InvestAZ

Ən çox oxunan xəbərlər

Partiya sədri naziri QINADI

“Fransa bir diasporanın girovuna çevrilib”

Osqud-Şlyatter xəstəliyindən əziyyət çəkənlərin DİQQƏTİNƏ

İrəvandakı aksiya sifarişçisinin Moskva EHTİMALI

Qarabağda daha 6 yaşayış məntəqəsinin layihələndirilməsinə BAŞLANILIR

Təhsilə ayrılan vəsaitlərin həcmində artımlar nəzərə tutulub

Qızıl və gümüş BAHALAŞIR

Makronun ermənilərə vurduğu “etnik təmizləməyə məruz qalan” ETİKETİ

Sahibə Qafarovadan Ermənistana ÇAĞIRIŞ

4 il əvvəl ölən qızın meyiti TAPILDI

İntensiv yağış və qar - XƏBƏRDARLIQ

MDU yeni dövrün universitetinə çevrilir

Azərbaycanlılar Ermənistanda ev alırlar?

Radardan yayınanlara sərt XƏBƏRDARLIQ

Ukrayna müdafiəyə keçdi