Ziyarətgaha çevrilən ŞƏHİD evləri

11:41 03-08-2020 | icon 766 | Qarabağ
Ziyarətgaha çevrilən ŞƏHİD evləri

“Tovuz istiqamətində 12 iyuldan başlayan ağır döyüşlərdə bizim hərbi bölmələrimizin dəqiq atəşi ilə düşmənin dayaq məntəqəsi, artilleriya qurğuları, hərbi avtomobil texnikası və canlı qüvvəsi məhv edildi. Düşmənin verdiyi itkilərdə, döyüş mövqelərimizin qorunmasında Rəşad Mahmudovun bir zabit kimi xidmətləri var. O, bu ailədə böyüyüb, boya-başa çatıb, onun tərbiyəsi, Vətənə bağlılıq hissləri, əlbəttə ailəsindən başlayıb. Müqəddəs Qurban bayramı günlərində şəhid zabitimizin evində olmaq, ailəsini ziyarət etmək, bizimçün əlamətdardır".

 
 
Versus.az xəbər verir ki, millət vəkili Qənirə Paşayeva bunu 13 iyulda Tovuzda düşmən hücumunun qarşısını alarkən qəhrəmancasına şəhid olmuş baş leytenant Rəşad Rəşid oğlu Mahmudovun Biləsuvarın Aşağı Cürəli kəndindəki evini ziyarətdə bildirib.
 
 
Şəhidin ailəsinin ziyarətinə Q.Paşayeva ilə birlikdə millət vəkili Məşhur Məmmədov və “Regional Hüquqi və İqtisadi Maarifləndirmə” İctimai Birliyinin (RHİM İB) sədri Arzu Bağırova da qatılıblar.  
 
 
Aktiv döyüşlər gedən günlərdə Tovuzda olduğunu deyən Q.PAşayeva, hərbçilərimizin hər birinin yüksək vətənpərvərliyinin, dönməzliyinin şahidi olduğunu və bundan qürur duyduğunu deyib. 
 
 
Millət vəkili Qənrə Paşayeva şəhid baş leytenantın ailə üzvləri ilə söhbətində öz duyğularını, fikirlərini bu cümlələrlə ifadə edib:
 
 
"O günlər yaşananlar, hərbçilərimizin əziz canlarını Vətən uğrunda qurban vermələri, göstərdikləri şücaətlər xalqımız tərəfindən unudulmayacaq. Ruhuna minnətdar olduğumuz şəhidlərimizin ailələri bizimçün həmişə əziz olacaq.”
 
 
Millət vəkilli Q.Paşayeva Tovuz döyüşlərinin bir çox həqiqətləri üzə çıxardığını, o cümlədən xalq-ordu, xalq-dövlət birliyinin necə sarsılmaz olduğunu bir daha bariz şəkildə göstərdiyini deyib. Gənc hərbçilərimizin cəsurluğunu, qorxmazlığını, əcdadlarımızın tarixi ənənələri, hərbi iris ilə əlaqələndirib.
 
 
Q.Paşayeva bildirib ki, o da hadisələr vaxtı Tovuza səfər edib, qəhrəman oğullarımızın, eləcə də, yerli əhalinin, özəlliklə gənclərin əhval-ruhiyyəsini biləvasitə görüb.
 
 
M.Məmmədov Tovuz döyüşlərində şəhid olmuş digər şəhidlərin ailələrinin də ziyarət edildiyini, belə ziyarətlərin bir mənəvi borc olduğunu bildirib. Son illər öncəbhədə düşmənə sarsıdıcı zərbələr vurmuş, şəhid olmuş bir neçə hərbçimizin Biləsuvarda böyüyüb, boya-başa çatdığını xatırladan millət vəkili, 2012-ci ildə şəhid olmuş Milli Qəhrəman Mübariz İbrahimovun qəhrəmanlığının ondan sonra gələn gənc hərbçilərimiz tərəfindən mənimsənildiyini, Rəşad kimi oğulların bunu sübut etdiyini deyib.
 
 
 
RHİMİB sədri Arzu Bağırova və şəhid baş leytenantın ailə üzvləri, doğmaları da öz ürək sözlərini bölüşüb. Qonaqlar şəhidin ailə üzvlərinin qayğıları ilə maraqlanıb. Qeyd olunub ki, hər zaman olduğu kimi, Tovuzda şəhid olmuş hərbçilərimizin ailələri də, Ali Baş Komandan cənab İlham Əliyevin və çox hörmətli Mehriban xanım Əliyevanın yüksək diqqət və qayğısı ilə əhatə olunub və dövlətin zirvəsinin bu nəcib münasibəti, hər kəs üçün də bir nümunə təşkil edir.
 
 
Versus.az

Xəbər lenti

InvestAZ

Ən çox oxunan xəbərlər

“Azərbaycanın beynəlxalq aləmdə dostlarının sayı artmaqda davam edir”

Qardaş ölkə və strateji tərəfdaş

Xarici kəşfiyyat orqanlarının şəbəkələri AKTİVLƏŞİB

“Azərbaycana qarşı qərəzli mövqeləri ilə Ermənistanı şirnikləndirmək istəyirlər”

“Makronda beynəlxalq hüququ dəstəkləyən siyasi şüur yetərli deyil”

“Müqavilənin vaxtı bitib” adı altında işdən azad olunanlar...

"Həmən 80 manat cərimələmək doğru yanaşma deyil"

"Laçınsız günlər" xatirə gündəlikdən - 1988-ci ilin noyabr ayı

Prezidentin XI Qlobal Bakı Forumunu əhəmiyyətli edən çıxışı

MMP Parlament partiyası ola bilər

MDU və AHBVÜ-nün təşkilatçılığı ilə 5-ci beynəlxalq elmi konfrans keçiriləcək

“Koroğlu”dakı Nəqliyyat Mübadilə Mərkəzi söküləcək?

Rusiya Fransanı ciddi qəbul etmir?

Ramazan ayının dördüncü gününün imsak, iftar və namaz vaxtları

Bu qadınlar pensiyaya daha tez çıxa biləcəklər