“Biz hamımız aldığımız tərbiyənin övladlarıyıq”

16:58 03-08-2020 | icon 256 | Təhsil
“Biz hamımız aldığımız tərbiyənin övladlarıyıq”

Versus.az xəbər verir ki, Tanınmış təhsil ekspertı, 45 illik pedaqoji fəaliyyəti dövründə təyinat üzrə kənd müəllimliyindən məktəb direktoru, elmi işçi, təhsil şöbəsinin müdiri, Baş İdarədə sektor müdiri kimi, təhsilin aşağı və yuxarı ida­rəetmə or­qan­larında böyük həyat yolu keçmiş, çoxlu sayda proqram, tədris vəsaiti, elmi-pedaqoji və tənqidi-analitik yazıların mü­əllifi Nadir İsrafilovun  “Biz hamımız aldığımız tərbiyənin övladlarıyıq” adlı xa­ti­rələr kitabı geniş oxucu küt­lə­sinə təqdim olunur.

 

Kitab müəllifin müxtəlif  illərdə, ayrı-ayrı mətbuat orqanlarının səhifələrində dərc olunmuş, uşaqlıq illərindən  başlayaraq, orta məktəb dövrü, alı təhsil və aspirantura həyatı, habelə pedaqoji fəaliyyəti ilə bağ­lı yadda qalan bəzi məqamların toplusundan ibarət olub, oxucuda keçən dövrlərə, qiyabi də olsa, nə­zər salmaq, müvafiq müqayisələr aparmaq, bir daha həmin anları yaşamaq hissləri oyadır.

 Əsasən müdrik kəlamlar və hikmətli sözlərə istinadən qələmə alınmış xatirələrin hər bir məqamı, müəllifin keçdiyi həyat yolunun bilavasitə təhsilə bağlılığı, təhsilin onun həyatında və gələcək kar­yera­sın­dakı rolu ilə əlaqəli şəkildə, konkret  və düşündürücü faktlar əsasında nəzərdən keçirilir, diqqət təlim və tərbi­yə­nin bir çox aspektlərinə yönəldilir. Müəllif sonda bu nəticəyə gəlir: “Biz hamımız aldığımız tərbiyənin övladlarıyıq”. 

Kitabı oxuyub başa vurduqdan sonra, bir daha əmin olursan ki, “Xatirələr zəngin olmasa, xəyallar solğun olar”, “Keçmiş – xatirələrdə, gələcək isə xəyallarda yaşayır”,“İnsanın mənəvi dünyası əslində dün­yadakı mənaların dünyasıdır”, “Heç bir şey təcrübənin yerini tuta bilməz”,“Başqalarının həyatından dərs al­mağı bacaran insan xoş­bəxtdir”, “Hər şey itirildikdən sonra da hələ bir şey – gələcək qalır”“Həyata ye­ni­dən başlasaydımsaniyələrin nəb­zi­ni tutardım”...

 

“Ali kateqoriyalı müəllim”, Azərbaycan SSR “Xalq maarif əlaçısı” kimi fəxri adlara, bir çox medallara, müka­fat­lara, fəxri fərmanlara, beynəlxalq sertifikatlara və döş nişanlarına layiq görülmüş, çox sayda proqram, tədris vəsaitləri, metodik tövsiyələr, elmi-pedaqoji və tənqidi-analitik məqalələrin müəllifi olan Nadir  İsrafilov bu gün də, Azərbaycan Respublikasının Təhsil Nazirliyi yanında İctimai Şuranın və  “XXI Əsr Təhsil Mərkəzi” İctimai Bir­liyinin sədr müavini, “Azərbaycan Valideyn-Müəllim Assosiasiyası” İctimai Birliyi ekspert qrupunun rəhbəri kimi fə­a­liy­yətini davam etdirir, təhsilimizə öz yaradıcı və layiqli töhfəsini verir.

Ümidvaram ki, dəyərli pedaqoqumuz Nadir İsrafilovun “Biz hamımız aldığımız tərbiyənin övladlarıyıq.(Yaddaş xatirələr xəzınəsidir)” adlı bu kitabı nəinki təhsil işçiləri, bütövlükdə geniş oxucu kütləsi üçün də maraqlı olacaq. Kitabı oxuyan hər bir kəsdə kimin kim olması, hansı əqidəyə xidmət etməsi  haqqında aydın təsəvvür ya­ranacaq.

 

Versus.az 

 Mönsüm Alışov,

   pedaqogika üzrə elmlər doktoru, professor

Xəbər lenti

InvestAZ

Ən çox oxunan xəbərlər

“Erməni arvadını əsir götürüb neynəyəcəyik, bizə torpaqlarımız lazımdır”

Kuzey Kıbrıs Türk Cümhuriyətinin tanınması siyasi məsələdir - MÜSAHİBƏ

Müəllim şagirdi döyərək öldürdü

Aysberq hər kəsin gözü qarşısında çevrildi - VİDEO

QAFAR İSKƏNDƏROV YAZIR: Prezidentin fərman və çıxışlarını bu kimi hakimlər saymırlar

Universitetləri və diplomları bütün dünyada tanınan ölkə - MÜSAHİBƏ

İtmiş oğullarına 38 ildən sonra qovuşdular - VİDEO

Koronavirusla bağlı SON STATİSTİKA

Prezidentin və I Vitse-prezidentin Azərbaycan elminin inkişafı ilə bağlı siyasəti uğurlu nəticələrini verməkdədir

Eldar Mahmudovun oğluna Rusiyadan şübhəli pul köçürmələri aşkarlanıb

Azərbaycan tarixində müstəsna rolu olan iki MÜQAVİLƏ

Yağış yağacaq, dolu düşəcək

Azərbaycanda ehtiyatda olan hərbi vəzifəlilər təlimlərə ÇAĞIRILIR

XİN şəhid hərbçimizlə bağlı məlumat YAYDI

"Emmi" mükafatının QALİBLƏRİ