"MİQ imtahanlarında 40 minə yaxın namizəd iştirak edib"-Eşqi Bağırov

“Müəllimlərin İşə Qəbulu müsabiqəsinin test imtahanları Bakı şəhərində yox, ölkənin 17 şəhər və rayonu olmaqla 32 mərkəzdə təşkil edilib”.

Versus.az xəbər verir ki, , bunu Təhsil Nazirliyinin İnsan resursları şöbəsinin müdiri Eşqi Bağırov bildirib.

O, MİQ-in təşkili ilə bağlı fikirlərini bildirib.

“İmtahanlarda ümumilikdə 40 minə yaxın namizəd iştirak edib. Bütün fənlər üzrə imtahanlarda iştirak edən namizədlər olub. Əvvəlki illərdən fərqli olaraq imtahanı başa çatdıran namizədlər şəxsi səhifələrindən ötən həftədən başlayaraq elektron formada apelyasiya müraciəti etmək imkanına malik olublar. Apelyasiya mərhələsi başa çatandan sonra namizədlər bu gün saat 14:00-dan başlayaraq vakansiya seçiminə başlayıblar. Onlara 8 vakant yer seçmək imkanı yaradılacaq. Bu mərhələnin sonunda uyğun namizədlər vakant yerlərə elektron qaydada yerləşdiriləcəklər”.

Qeyd edək ki, MİQ-in test imtahan mərhələsi avqust ayından başlayıb.

Versus.az