Vətən Müharibəsinin İlk qadın şəhidimizin ailəsindən VİDEOREPORTAJ

16:12 30-10-2020 | icon 549 | Şəhidlər və şahidlər
Vətən Müharibəsinin İlk qadın şəhidimizin ailəsindən VİDEOREPORTAJ

“Dedi ki, dərslərinizi yaxşı oxuyun, nənənin sözündən çıxmayın, bacına da yaxşı bax...”

 

Versus.az xəbər verir ki, bu sözləri İkinci Qarabağ müharibəsinin ilk qadın şəhidi, yaralı əsgərlərimizi döyüş meydanından çıxararkən qəhrəmancasına şəhid olan Arəstə Baxışovanın 11 yaşlı oğlu Mərdan AzTV-yə anası ilə bağlı xatirələrini bölüşərkən deyib. 

 

O, cəbhədə olan anasının tez-tez zəng edib onların kefini soruşduğunu bildirib: “Hər dəfə zəng edib bizi soruşardı. Mən neçə dəfə zəng elədim götürmədi, axırda açdı, danışdı. Səsi çox pis çıxırdı. Dedim yəqin xəstədir. Nə olduğunu soruşdum, dedi yaxşıyam. Bir də dedi ki, “dərslərinizi yaxşı oxuyun, nənənin sözündən çıxmayın, bacına da yaxşı bax...” 

 

10 yaşlı qızı Zəhra da anasını qürurla xatırlayıb: “Anam məni çox istəyirdi. Mənimlə həmişə fəxr edirdi, indi mən də anamla fəxr edirəm ki, Vətən uğrunda şəhid oldu...” 

 

Şəhidin anası Məktubə Baxışova isə qızını çox çətinliklə, atasız böyütdüyünü, lakin qızının heç vaxt ölümdən qorxmadığını deyib: “Hərbiyə getmək istəyirdi. Dedim ki, iki balan var, sizi zülmlə böyütmüşəm. 4 yaşında olanda atasını itirib, atasız böyüyüb. Dedi ki, “uşaqlarım sənə əmanət. Əgər mənə bir şey olsa, şəhid olacağamsa, mənim alın yazımdır”.

 

O, mənim qürurumdur, başımın ucalığıdır. Balam ölümdən qorxan qız deyildi...  “Narahat olma hər şey qaydasındadır, tezliklə qələbə bizim olacaq!”.

 

“Ordumuzda elə ruh yüksəkliyi var ki, o qədər könüllü canla-başla döyüşən əsgərlərimiz var ki...” - Bu, onun ən çox işlətdiyi sözlər idi...”

 

Xatırladaq ki, 31 yaşlı Arəstə Baxışova Xaçmazda doğulub. Atası Çernobıl qəzasında əlil olub və şəhidimiz 4 yaşı olanda vəfat edib. /modern.az/

 

Xəbər lenti

InvestAZ

Ən çox oxunan xəbərlər

“İdeoloji təbliğatı ciddi şəkildə genişləndirmək lazımdır”

Akademik Nailə Vəlixanlıdan beynəlxalq təşkilatlara MÜRACİƏT

Şuşa döyüşlərində dastana dönən qardaşlar

Zeynalabdin Tağıyevin Fransada yaşayan nəticəsi Qarabağa gələcək

Maradona dəfn olundu - FOTO

Trampdan Ağ Evi tərk etmə ŞƏRTİ

Helikopter işıq dirəyinə çırpıldı - VİDEO

Türkiyədə zəlzələ - VİDEO

Kəlbəcər şəhərində Azərbaycan bayrağı QALDIRILDI

19 yaşında xalqın, dövlətin təqdirini QAZANMAQ

O dünyadakı məqamın yüksək olsun, CAVAD

Şuşada tapılan 32 illik HƏDİYYƏ

Adı – Xəyal, igidliyi – gerçək

Adını doğruldan...

Bakı Ali Neft Məktəbi - Doqquz il