"Kəlbəcər uğrunda" və "Vətən müharibəsi iştirakçısı" medallı qəhrəmanımız

10:08 18-01-2021 | 1542 | Şəhidlər və şahidlər

Təqdim edəcəyimiz növbəti qəhrəmanımız Tağıyev Anar Museyib oğludur. Anar 1999-cu ilin may ayının 1-də Tovuz rayonunun Dondar Quşçu kəndində dünyaya göz açıb.

Anar Tağıyev 2018-ci ilin oktyabr ayında həqiqi hərbi xidmətə yollanıb. 2019-cu ilin aprel ayında hərbi xidmətdən təxris olunsa da, bir müddət sonra hərbi həyatı seçərək xidmətə geri dönür.

2020-ci il iyulun 12-də Ermənistan silahlı qüvvələrin Tovuz rayonunda törətdikləri təxribata əks-hücumla cavab verən əsgərlərimizin sırasında "Kicik çavuş" rütbəsini daşıyan Anar Tağıyev də olub.

Həmin döyüşlərdən sonra Anar ehtiyatda olan hərbçi kimi II Qarabağ müharibəsinə də qatılır. O, bir çox istiqamətlərdə, həmçinin Kəlbəcərin azad olunmasına görə gedən döyüşlərdə göstərdiyi şücaətə görə medal qazanır.

Ali Baş Komandan, Prezident cənab İlham Əliyevin sərəncamı ilə Kicik çavuş Tağıyev Anar Museyib oğlu "Kəlbəcər uğrunda" və "Vətən müharibəsi iştirakçısı" medalı ilə təltif olunub.

Biz Anar Tağıyev və onun kimi Azərbaycanın yüzlərlə qorxmaz igid oğulları ilə fəxr edirik.

Qarabağ Azərbaycandır!