“Atası ilə halallaşanda danışa bilmədi və ağladı” - FOTO

17:39 19-01-2021 | icon 358 | Şəhidlər və şahidlər
“Atası ilə halallaşanda danışa bilmədi və ağladı” - FOTO

44 günlük Vətən müharibəsinin qəhrəman şəhidlərindən biri də Mustafayev Təhmasib Sərməst oğludur.

 

Versus.Az xəbər verir ki, M.Təhmasib 30 avqust 1989-cu ildə Cəbrayıl rayonun Hasanlı kəndində anadan olub. O, 2018- ci ildən Daxili Qoşunların Xüsusi Təyinatlı Dəstəsinin “Atəş” təminatı qrupunun komandiri kimi xidmət edib.

 

Müharibədə Cəbrayıl, Füzuli, Qubadlı, Hadrut, Suqovuşan, Zəngilan şəhərlərinin düşməndən azad edilməsi əməliyyatında iştirak edib. Noyabrın 4-də Şuşa şəhəri istiqamətində gedən döyüşlər zamanı şəhidlik zirvəsinə ucalıb. Noyabrın 11-də Biləsuvar rayonu 4 saylı qəsəbədəki Şəhidlər Xiyabanında dəfn edilib.

 

Ölümündən sonra Prezident İlham Əliyevin sərəncamıyla “Şuşanın azad edilməsinə görə”, “Vətən uğrunda” və “Rəşadət” ordenləri ilə təltif edilib. 

 

Şəhidimizdən yadigar Faidə adlı doqquz aylıq qız övladı qalıb... Hazırda ailəsi Biləsuvar rayonu 11 saylı Cəbrayıl qəsəbəsində məskunlaşıb.

 

Şəhidin qardaşı Arzuman Mustafayev saytımıza bildirib ki, sonuncu dəfə qardaşı oktyabrın 29-da valideynləriylə danışıb:

 

“Atama hər şeyə hazır olmasını tapşırıb. Deyib ki, çətin döyüşə gedirlər və ondan halallıq istəyib. Atam da ağlayıb və danışa bilməyiblər. Şuşa əməliyyatı zamanı yaralı olub. Ancaq yenə də şəxsi heyəti tək qoymayıb. Şəhid olduğu vaxt ermənilər bunların dayandığı əraziyə minaatanadan atəş açıblar. Qardaşımın rəhbərlik etdiyi qrup isə bir neçə istiqamətdə mövqe tutubmuş. Digər qrupa da dayanmadan atəş açılanda Təhmasib öz heyətinin yanında olmaq istəyib. Çarpaz gedərək onların yanına çatıb. Elə bu zaman da heyəti ilə birgə şəhid olub. Qardaşım Hacıqabulda zabitlər yataqxanasında qalırdı. İşi ilə əlaqədar yeni doğulmuş övladını da çox az görmüşdü. Onun ən böyük arzularından biri tezliklə işğaldan azad edilmiş ərazilərimizdə elindən-obasından ayrı düşmüş insanlarımızın məskunlaşması idi”. 

 

Qeyd edək ki, şəhid T. Mustafayev 2008-ci ilin aprel ayında Səfərbərlik və Hərbi Xidmətə Çağırış üzrə Dövlət Xidməti tərəfindən hərbi xidmətə çağırılıb. 2010-cu ildə hərbi xidməti bitirdikdən sonra öz xahişi ilə xüsusi təyinatlı dəstədə xidmət edib. Dəzgahlı qumbaraatanın heyət komandiri vəzifəsini icra edib. 

 

2011-ci ildə öz istəyi ilə Türkiyə Jandarma Birliyində dalğıc komando kursunda təhsil alıb. Bir ildən sonra həmin məktəbi bitirib. 2014-cü ildə leytenant hərbi rütbəsi alıb. “N” saylı hərbi hissədə tağım komandiri kimi xidmətə başlayıb. /“Qafqazinfo”/

 

Xəbər lenti

InvestAZ

Ən çox oxunan xəbərlər

Əfəndilər, Yardımlı da Azərbaycandır

Röyanın Moskva konserti təxirə salındı - SƏBƏB?

Moskvadakı dəhşətli terrorda ölənlərin sayı 150-yə çatıb

Rusiyada teraktda yaralananların durumu açıqlanıb

Ayılar üçün maraqlı əyləncə

Artritə səbəb olan 5 mühüm SƏHV

İdmançımız Almaniyada keçirilən turnirdə ikinci qızıl medalını qazanıb

Tarixçidən maraqlı faktlar

Gündə 1 dəqiqə cəfəri çeynəyin

Şəfalı olduğu düşünülən bu bitkilər böyrəkləri çürüdür

Gimnastlarımız Dünya Kubokunda finala yüksəliblər

İtlər hətta simvolları da anlayırlar

Dəri problemlərindən mərciməklə xilas olun

Bu iki ədviyyatı birgə istifadə edin

Ən sürətli qol