“Bu, təhsilə biznes təfəkkürlü yanaşmadır”

10:40 25-01-2021 | icon 367 | Təhsil
“Bu, təhsilə biznes təfəkkürlü yanaşmadır”

Mütəllim Rəhimli: “Təhsilin pullu olması istedadlı kasıb balalarının qarşısını kəsir

                                                         

“Təhsil naziri Emin Əmrullayevin təhsil haqqının təhsilin keyfiyyətinə təsirini indikator kimi götürməsi real qiymətləndirmə deyil. Aşağı təhsil haqqının daha çox insanın ali təhsil alması və yüksək ödənişin edilməsi keyfiyyətli təhsil verilməsi kimi başa düşülə bilməz. Bu, təhsilə biznes təfəkkürlü yanaşmadır.

 

Versus.Az xəbər verir ki, bunu açıqlamasında Ədalət Partiyasının sədr müavini, Bakı Avrasiya Universitetinin müəllimi Mütəllim Rəhimli bildirib.

 

M.Rəhimli qeyd edib ki, keyfiyyətsiz mütəxəssislərin hazırlanmasını islahatlar prosesinin natamamlığında, düzgün tətbiq edilə bilməməsində, təhsilə rəhbərliyi ondan başı çıxmayanların həyata keçirməsində axtarmaq lazımdır:

 

“Ali təhsil alanların sayının artırılması məqsəd ola bilməz, bu bir vəzifədir. Əsas hədəf keyfiyyətli təhsilin verilməsi, müasir dünya ilə ayaqlaşan kadrların hazırlanmasıdır.

İndi qarşıda duran ən başlıca vəzifə isə dövlət müəssisələrində təhsil haqqının ləğv edilməsi olmalıdır. Bu, Konstitusiyaya da ziddir. Həmçinin təhsilin pullu olması istedadlı kasıb balalarının qarşısını kəsir. Cəmiyyət və dövlət üçün əlavə dəyəri həm də istedadı olub oxumağa pulu olmayanlar yarada bilər”.

 

M.Rəhimli qeyd edib ki, dünyanın inkişaf etmiş ölkələri əldə etdikləri nailiyyətlərə görə keyfiyyətli təhsilə borcludurlar:

 

“Təhsil biznes deyil və ölkənin gələcək inkişafı, xalqın daha yaxşı yaşaması, iqtisadiyyatın dirçəlməsi, ölkələrarası rəqabətə davamlılıq və sair verilən təhsilin effektivliyindən asılıdır. Buna görə də, həmin ölkələr mütəxəssis hazırlığını dövlət hesabına həyata keçirirlər”.

 

PƏRİ
Versus.Az

Xəbər lenti

InvestAZ

Ən çox oxunan xəbərlər

“Azərbaycanın beynəlxalq aləmdə dostlarının sayı artmaqda davam edir”

Qardaş ölkə və strateji tərəfdaş

Xarici kəşfiyyat orqanlarının şəbəkələri AKTİVLƏŞİB

“Azərbaycana qarşı qərəzli mövqeləri ilə Ermənistanı şirnikləndirmək istəyirlər”

“Makronda beynəlxalq hüququ dəstəkləyən siyasi şüur yetərli deyil”

“Müqavilənin vaxtı bitib” adı altında işdən azad olunanlar...

"Həmən 80 manat cərimələmək doğru yanaşma deyil"

"Laçınsız günlər" xatirə gündəlikdən - 1988-ci ilin noyabr ayı

Prezidentin XI Qlobal Bakı Forumunu əhəmiyyətli edən çıxışı

MMP Parlament partiyası ola bilər

MDU və AHBVÜ-nün təşkilatçılığı ilə 5-ci beynəlxalq elmi konfrans keçiriləcək

“Koroğlu”dakı Nəqliyyat Mübadilə Mərkəzi söküləcək?

Rusiya Fransanı ciddi qəbul etmir?

Fransanın başqa dövlətlərdə gərginlik yaratmaq SSENARİSİ

Ramazan ayının dördüncü gününün imsak, iftar və namaz vaxtları