"Bu etimadı var gücümlə doğrultmağa çalışacağam"

Gənc yazar, 4 kitab müəllifi, "Kredo” qəzetinin redaksiya heyətinin üzvü və ictimai müxbiri, Həqiqət Tarixi Araşdırmalar İctimai Birliyinin "Gənc İstedad” fəxri diplomçusu Sevindik Nəsiboğlu Azərbaycan Jurnalistlər Birliyinə üzv seçilib.

Versus.Az xəbər verir ki, 13 yaşlı gənc jurnalist Sevindik Nəsiboğlu AJB-yə üzv seçilməsinin sevincini bölüşüb:

"Azərbaycan Junalistlər Birliyinə üzv seçildim. Bu gün vəsiqəm mənə təqdim olundu. Çox sevinirəm. Sevincimin həddi-hüdudu yoxdur".

S.Nəsiboğlu başda hörmətli Elçin müəllim Şıxlınski, Qulu müəllim Məhərrəmli, AJB-nin məsul işçisi Şahin müəllim və "Kredo” qəzetinin baş redaktoru Əli Rza müəllim Xələfli olmaqla bu işdə əməyi olan hər kəsə dərin minnətdarlığını bildirib:

"Bu etimadı var gücümlə doğrultmağa çalışacağam. Vətənimlə və Vətənimin biz gənclərə dəyər verən ziyalıları ilə fəxr edirəm!”

LEYLA
Versus.Az