Razi Nurullayev: ““Sən öl”, “mən ölüm”, “Allah haqqı”, “İmam haqqı”, qohumbazlıq, yerlibazlıq..."

“Bütün addımlar atılıb, qərarlar qəbul edilib, sadəcə kağız üzərində qalır. Yenə də imtiyazlı imtiyazlıdır, qohumu olan da öndədir. Ənənəvi idarəçilik metodu kökündən dəyişməlidir. “Sən öl”, “mən ölüm”, “Allah haqqı”, “İmam haqqı”, qohumbazlıq, yerlibazlıq, oğurluq aradan qalxmalıdır”.

Versus.Az xəbər verir ki, bunu Milli Məclisin deputatı Razi Nurullayev  44 günlük müharibədən sonra Azərbaycanın qazandığı zəfərə kölgə salan hansı amillərin aradan qaldırılmasının vacibliyi ilə bağlı açıqlamasında deyib.

Deputat bildirib ki, zəfərə kölgə salan amillər göz qabağındadır.

“İstəsək, qısa zamanda bu neqativlər aradan qalxar. Amma ola bilər ki, bununla da iqtidar partiyası üçün ciddi problemlər yaranar və bu, laxlamalarla müşayiət olunar. Bunu gərək özləri həll etsinlər. Onların yerinə mən düşünməli deyiləm ki, “topları, topxanaları” olan aidiyyəti qurumlar var”- deyə, Razi Nurullayev ciddi addımların atılmasının gərəkliyini önə çəkib.

PƏRİ
Versus.Az